ഓസ്ട്രേലിയയുടെ ലീഡ് മുന്നൂറിനടുത്തേക്ക്, ലാബൂഷാനെയ്ക്കും സ്മിത്തിനും അര്‍ദ്ധ ശതകം

സിഡ്നി ടെസ്റ്റില്‍ നാലാം ദിവസം ലഞ്ചിനായി ടീമുകള്‍ പിരിയുമ്പോള്‍ ഓസ്ട്രേലിയ തങ്ങളുടെ രണ്ടാം ഇന്നിംഗ്സില്‍ 182/4 എന്ന നിലയില്‍. മത്സരത്തില്‍ 276 റണ്‍സിന്റെ ലീഡാണ് ഓസ്ട്രേലിയയ്ക്ക് കൈവശമുള്ളത്. മത്സരത്തില്‍ അഞ്ച് സെഷനുകള്‍ അവശേഷിക്കെ ഇന്ത്യയെ കാത്തിരിക്കുന്നത് കടുത്ത വെല്ലുവിളിയാണ്. മാര്‍നസ് ലാബൂഷാനെ, മാത്യു വെയിഡ് എന്നിവരുടെ വിക്കറ്റുകളാണ് ഓസ്ട്രേലിയയ്ക്ക് ഇന്ന് നഷ്ടമായത്.

Labuschagne

73 റണ്‍സ് നേടിയ ലാബൂഷാനെയുടെയും 4 റണ്‍സ് നേടിയ മാത്യു വെയിഡിന്റെയും വിക്കറ്റുകള്‍ നവ്ദീപ് സൈനി ആണ് നേടിയത്. ഓസ്ട്രേലിയയ്ക്കായി 58 റണ്‍സുമായി സ്മിത്തും 20  റണ്‍സ് നേടി കാമറൂണ്‍ ഗ്രീനുമാണ് ക്രീസിലുള്ളത്.

Saini