സ്മിത്തിനും ഖവാജക്കും സെഞ്ച്വറി! ആദ്യ ടെസ്റ്റിൽ ഓസ്ട്രേലിയ മികച്ച സ്കോറിലേക്ക്
ശ്രീലങ്കയ്ക്കെതിരായ ഗോളിൽ നടക്കുന്ന ആദ്യ ടെസ്റ്റിന്റെ ആദ്യ ദിനത്തിൽ സ്റ്റീവ് സ്മിത്തിന്റെയും ഉസ്മാൻ ഖവാജയുടെയും അപരാജിത സെഞ്ച്വറികൾ ഓസ്ട്രേലിയയെ മികച്ച സ്കോറിലേക്ക് നയിച്ചു. സ്മിത്ത് ഇന്ന് തന്റെ 35-ാം ടെസ്റ്റ് സെഞ്ച്വറി നേടുകയും ഒപ്പം ടെസ്റ്റ് കരിയറിലെ 10,000 റൺസ് എന്ന നാഴികല്ലിൽ എത്തുകയും ചെയ്തു.
ഖവാജ വെറും 130 പന്തിൽ നിന്ന് ആണ് സെഞ്ച്വറി നേടിയത്. മൂന്നാം വിക്കറ്റിൽ ഇവർ നേടിയ 195 റൺസിന്റെ കൂട്ടുകെട്ട് ഓസ്ട്രേലിയയെ ആദ്യ ദിനം 2 വിക്കറ്റിന് 330 റൺസിലെത്തിക്കാൻ സഹായിച്ചു, എന്നാൽ മഴ കാരണം കളി നേരത്തെ അവസാനിപ്പിച്ചു.
ട്രാവിസ് ഹെഡ് 40 പന്തിൽ നിന്ന് 57 റൺസ് നേടിയും ലബുഷാനെ 20 റൺസ് നേടിയും പുറത്തായി. സ്മിത്ത് ഇപ്പോൾ 104 റൺസുമായി പുറത്താകാതെ നിൽക്കുകയാണ്.