തിരുവനന്തപുരം ജില്ലാ ക്രിക്കറ്റ് അസോസിയേഷൻ നടത്തിയ ജൂനിയർ ലീഗ് മത്സരങ്ങളിൽ കിഡ്സ് ക്രിക്കറ്റ് ക്ളബ്ബിനെ 5 വിക്കറ്റിനു പരാജയപ്പെടുത്തി ഷൈൻസ് കിരീടം നേടി.മംഗലപുരം കെ സി എ ഗ്രൗണ്ടിൽ നടന്ന ഫൈനലിൽ ആദ്യം ബാറ്റ് ചെയ്ത കിഡ്സ് ക്രിക്കറ്റ് ക്ലബ് 84 ന് എല്ലാവരും പുറത്തായി.ഷൈൻസ് നു വേണ്ടി ജോമോൻജോയ് 37നു അഞ്ചു വിക്കറ്റ് നേടി.85 റൺസ് ലക്ഷ്യവുമായി ഇറങ്ങിയ ഷൈൻസ് നു 33 റൺസ്സെടുക്കുന്നതിനിടയിൽ 5 വിക്കറ്റ് നഷ്ടപ്പെട്ടുവെങ്കിലും ഹർഷ് വീർ സിംഗ് പുറത്താകാതെ 50 റൺസ് നേടി വിജയത്തിലെത്തിക്കുകയായിരുന്നു.
കേരള ക്രിക്കറ്റ് ടീം കോച്ച് ഡേവ് വാട് മോർ സമ്മാനദാനം നിർവഹിച്ചു.കേരള രഞ്ജി താരം സഞ്ജു സാംസൺ ,കെ സി എ ജോയിന്റ് സെക്രട്ടറി രജിത് രാജേന്ദ്രൻ എന്നിവർ സന്നിഹിതരായിരുന്നു. ഫൈനലിലെ മികച്ച കളിക്കാരനായി ഷൈൻസ് ലെ ജോമോൻജോയ്, ടൂർണമെന്റിലെ മികച്ച കളിക്കാരനായി ഷൈൻസ് ലെ തന്നെ ഹർഷ് വീർ സിംഗ് എന്നിവർ തെരെഞ്ഞെടുക്കപ്പെട്ടു.
കിഡ്സ് ക്രിക്കറ്റ് ക്ളബ്‌ലെ എ. പി.ഉണ്ണികൃഷ്ണൻ മികച്ച ബൗളറായപ്പോൾ ഷൈൻസ് ലെ കാർത്തിക് നായർ ഏറ്റവും നല്ല ബാറ്റ്സ്മാൻ എന്ന പദവി കരസ്ഥമാക്കി.
