ഫിറ്റ്നെസ്സ് തെളിയിച്ച ഷാനണ്‍ ഗബ്രിയേല്‍ വിന്‍ഡീസ് ടെസ്റ്റ് സ്ക്വാഡില്‍

- Advertisement -

ഇംഗ്ലണ്ടിനെതിരെയുള്ള ടെസ്റ്റ് പരമ്പരയ്ക്കുള്ള വിന്‍ഡീസ് ടെസ്റ്റ് സ്ക്വാഡില്‍ ഇടം പിടിച്ച് ഷാനണ്‍ ഗബ്രിയേല്‍. പരിക്ക് മൂലം ഏറെ കാലമായി ക്രിക്കറ്റില്‍ നിന്ന് വിട്ട് നില്‍ക്കുകയായിരുന്നു ഷാനണ്‍ ഗബ്രിയേല്‍. ഇത്തവണ കൊറോണ കാരണം വലിയ സ്ക്വാഡ് പ്രഖ്യാപിച്ചപ്പോള്‍ താരം റിസര്‍വ് പട്ടികയില്‍ ഇടം പിടിച്ചിരുന്നു. പിന്നീട് സന്നാഹ മത്സരത്തില്‍ ഫിറ്റ്നെസ്സ് തെളിയിക്കുകയാണെങ്കില്‍ താരത്തെ പ്രധാന സ്ക്വാഡില്‍ ഉള്‍പ്പെടുത്തുമെന്നാണ് ടീം മാനേജ്മെന്റ് പ്രഖ്യാപിച്ചത്.

ഇന്റര്‍ സ്ക്വാഡ് മത്സരത്തില്‍ മൂന്ന് ഇന്നിംഗ്സില്‍ നിന്നായി ഷാനണ്‍ ഗബ്രിയേല്‍ 122 റണ്‍സ് വിട്ട് നല്‍കി 8 വിക്കറ്റാണ് നേടിയത്. ഇന്ത്യയ്ക്കെതിരെയുള്ള 2019 സെപ്റ്റംബറിലെ ടെസ്റ്റ് പരമ്പരയിലെ മോശം പ്രകടനത്തിന് ശേഷമാണ് താരം ശസ്ത്രക്രിയയ്ക്ക് വിധേയനായത്.

Advertisement