ബംഗ്ലാദേശിന് വേണ്ടി ഏകദിനത്തിലും ഏറ്റവും അധികം വിക്കറ്റ് നേടുന്ന താരമായി ഷാക്കിബ് അല്‍ ഹസന്‍

സിംബാബ്‍വേയ്ക്കെതിരെ അഞ്ച് വിക്കറ്റ് നേട്ടം സ്വന്തമാക്കി ഷാക്കിബ് അല്‍ ഹസന്‍ രാജ്യത്തിന് വേണ്ടി ഏറ്റവും അധികം ഏകദിന വിക്കറ്റ് നേടുന്ന താരമായി. ബ്രണ്ടന്‍ ടെയിലറെ പുറത്താക്കിയപ്പോളാണ് താരം മഷ്റഫേ മൊര്‍തസയുടെ 269 വിക്കറ്റുകളെന്ന നേട്ടം മറികടന്നത്.

പിന്നീട് നാല് വിക്കറ്റ് കൂടി നേടിയ ഷാക്കിബിന് ഇപ്പോള്‍ 274 ഏകദിന വിക്കറ്റുകളുണ്ട്. 213 ഏകദിനത്തിൽ നിന്നാണ് താരത്തിന്റെ ഈ നേട്ടം. 2016ൽ ഈ നേട്ടം ഷാക്കിബ് നേടിയെങ്കിലും അധികം വൈകാതെ മൊര്‍തസ ഷാക്കിബിനെ വീണ്ടും മറികടക്കുകയായിരുന്നു.

2020 മാര്‍ച്ചിൽ ആണ് മൊര്‍തസ അവസാനമായി ഏകദിനം ബംഗ്ലാദേശിനായി കളിച്ചത്. താരത്തിന് ഇനി അധികം മത്സരങ്ങള്‍ കളിക്കാനാകില്ലാത്തതിനാൽ തന്നെ ഷാക്കിബിന്റ കൈയ്യിൽ ഈ റെക്കോര്‍ഡ് ഭദ്രമായിരിക്കും.