ഹോപിന്റെ ശതകം, മികച്ച വിജയവുമായി വെസ്റ്റിന്‍ഡീസ്

Shaihope

ഓപ്പണര്‍മാരായ ഷായി ഹോപും ഷമാര്‍ ബ്രൂക്ക്സും നൽകിയ മികച്ച തുടക്കത്തിന്റെ ബലത്തിൽ നെതര്‍ലാണ്ട്സിനെതിരെ 7 വിക്കറ്റ് വിജയം നേടി വെസ്റ്റിന്‍ഡീസ്. ഇന്നലെ നടന്ന മത്സരത്തിൽ ആദ്യം ബാറ്റ് ചെയ്ത നെതര്‍ലാണ്ട്സ് 45 ഓവറിൽ 7 വിക്കറ്റ് നഷ്ടത്തിൽ 240 റൺസ് നേടിയിരുന്നു.

പിന്നീട് ലക്ഷ്യം 45 ഓവറിൽ 247 റൺസായി പുതുക്കി നിശ്ചയിച്ചപ്പോള്‍ 43.1 ഓവറിൽ 3 വിക്കറ്റ് നഷ്ടത്തിൽ ടീം ഈ സ്കോര്‍ മറികടന്നു.

ഷായി ഹോപ് പുറത്താകാതെ 119 റൺസ് നേടിയപ്പോള്‍ 60 റൺസുമായി ഷമാര്‍ ബ്രൂക്ക്സ് താരത്തിന് ഒന്നാം വിക്കറ്റിൽ മികച്ച പിന്തുണ നൽകി. 120 റൺസാണ് ഈ കൂട്ടുകെട്ട് ഓപ്പണിംഗ് വിക്കറ്റിൽ നേടിയത്. 120/0 എന്ന നിലയിൽ നിന്ന് ബ്രൂക്ക്സിനെയും ബോണ്ണറിനെയും അടുത്തടുത്ത പന്തുകളിൽ ലോഗന്‍ വാന്‍ ബീക്ക് പുറത്താക്കിയപ്പോള്‍ നിക്കോളസ് പൂരനെ ആര്യന്‍ ദത്ത് പുറത്താക്കി. ഇതോടെ വിന്‍ഡീസ് 133/3 എന്ന നിലയിലേക്ക് വീണു.

അവിടെ നിന്ന് ഷായി ഹോപിന് കൂട്ടായി എത്തിയ ബ്രണ്ടന്‍ കിംഗ് നേടിയ 58 റൺസ് ടീമിനെ വിജയത്തിലേക്ക് നയിക്കുകയായിരുന്നു. 116 റൺസാണ് ഈ നാലാം വിക്കറ്റ് കൂട്ടുകെട്ട് നേടിയത്.

Previous article“എന്തിനാണ് ലാലിഗ പ്രസിഡന്റ് ഞങ്ങൾക്ക് എതിരെ സംസാരിക്കുന്നത്?” – ബാഴ്സലോണ പ്രസിഡന്റ്
Next articleഫ്ലമംഗോയ്ക്കും പെരേരയെ വേണ്ട, താരം മാഞ്ചസ്റ്റർ യുണൈറ്റഡിലേക്ക് തന്നെ തിരികെയെത്തുന്നു