വിന്‍ഡീസിനെതിരെ മലയാളി താരം സഞ്ജു സാംസണ്‍ ഓപ്പണ്‍ ചെയ്യണമെന്ന് അഭിപ്രായപ്പെട്ട് താരത്തിന്റെ ആദ്യ കാല കോച്ചും ഇന്ത്യന്‍ വനിത ടീമിന്റെ ഫീല്‍ഡിംഗ് കോച്ചായും പ്രവര്‍ത്തിച്ച ബിജു. ധവാന് പരിക്കേറ്റത് മൂലം വീണ്ടും ഇന്ത്യന്‍ ടീമില്‍ അവസരം ലഭിച്ച സഞ്ജുവിനെ ഓപ്പണിംഗ് സ്ഥാനത്തേക്ക് പരിഗണിക്കണമെന്നാണ് ബിജു പറയുന്നത്.
ആദ്യ മത്സരത്തില്‍ തന്നെ സഞ്ജുവിന് അവസരം നല്‍കേണ്ടതുണ്ടെന്നും ധവാന് പകരക്കാരനായി ടീമിലത്തിയതിനാല്‍ തന്നെ താരത്തിന് ഓപ്പണിംഗിന് അവസരം നല്‍കണമെന്നും ബിജു അഭിപ്രായപ്പെട്ടു. സഞ്ജുവിന്റെ ആത്മവിശ്വാസവും മത്സരത്തില്‍ മേല്‍ക്കൈ നേടുന്നതുമാണ് താരത്തിന്റെ വിജയത്തിന്റെ പ്രധാന കാരണങ്ങളെന്നും ബിജു പറഞ്ഞു.
സഞ്ജു തന്റെ തെറ്റുകള്‍ വേഗത്തില്‍ മനസ്സിലാക്കി തിരുത്തുന്ന വ്യക്തി കൂടിയാണെന്ന് ബിജു പറഞ്ഞു. ബംഗ്ലാദേശിനെതിരെയുള്ള ടി20 പരമ്പരയ്ക്ക് താരത്തിനെ ടീമിലെടുത്തിരുന്നുവെങ്കിലും ഒരു മത്സരത്തില്‍ പോലും അവസരം നല്‍കാതെ പിന്നീട് വിന്‍ഡീസിനെതിരെയുള്ള സ്ക്വാഡില്‍ നിന്ന് സെലക്ടര്‍മാര്‍ ഒഴിവാക്കുകയായിരുന്നു. ഇതിനെതിരെ വലിയ പ്രതിഷേധമാണ് ഉയര്‍ന്നത്.
