പരിക്ക് ഗുരുതരം അല്ലെന്ന് സഞ്ജു സാംസൺ, രാജസ്ഥാന് ആശ്വാസം

ഡൽഹി ക്യാപിറ്റൽസിനെതിരായ മത്സരത്തിൽ റിട്ടയേർഡ് ഹർട്ട് ആയ രാജസ്ഥാൻ റോയൽസ് ക്യാപ്റ്റൻ സഞ്ജു സാംസണിൻ്റെ പരിക്ക് ഗുരുതരമല്ലെന്ന് സൂചന. മത്സരശേഷം സംസാരിച്ച സാംസൺ തൻ്റെ ആരോഗ്യസ്ഥിതിയെക്കുറിച്ച് വിശദീകരിച്ചു.

“ഇപ്പോൾ കുഴപ്പമൊന്നുമില്ല. നാളെ ഞങ്ങൾ അത് വിലയിരുത്തും,” എന്നും സാംസൺ പറഞ്ഞു. വേദന പൂർണ്ണമായു മാറാത്തതിനാൽ ആണ് താൻ വീണ്ടും ബാറ്റ് ചെയ്യാൻ എത്താതിരുന്നത് എന്നും സഞ്ജു പറഞ്ഞു.

19 പന്തിൽ 31 റൺസുമായി ക്രീസിൽ ഉണ്ടായിരുന്ന സാംസൺ, പരിക്കിനെത്തുടർന്ന് കളം വിടുകയായിരുന്നു. പിന്നീട് സൂപ്പർ ഓവറിലും അദ്ദേഹം ബാറ്റ് ചെയ്യാൻ ഇറങ്ങിയില്ല. അദ്ദേഹത്തിൻ്റെ പരിക്ക് എത്രത്തോളം ഗൗരവമുള്ളതാണെന്നുള്ള കൂടുതൽ വിവരങ്ങൾ ഇന്ന് അറിയാം.