പന്ത് അല്ല സഞ്ജു സാംസൺ ആൺ ചാമ്പ്യൻസ് ട്രോഫി ടീമിൽ കളിക്കേണ്ടത് എന്ന് ഹർഭജൻ സിംഗ്

ഐസിസി ചാമ്പ്യൻസ് ട്രോഫിയിൽ ഇന്ത്യൻ ടീമിലേക്ക് ഋഷഭ് പന്തിന് പകരം സഞ്ജു സാംസണെ ആണ് എടുക്കേണ്ടതെന്ന് മുൻ ഇന്ത്യൻ സ്പിന്നർ ഹർഭജൻ സിംഗ്. ബിസിസിഐ ടീമിനെ പ്രഖ്യാപിക്കാനിരിക്കെ ആണ് ഹർഭജന്റെ പ്രതികരണം.

തൻ്റെ സമീപകാല ഫോം കാരണം സാംസൺ സ്ഥാനം അർഹിക്കുന്നുണ്ടെന്ന് ഹർഭജൻ വിശ്വസിക്കുന്നു, ടെസ്റ്റ് സീസണിന് ശേഷം പന്തിന് വിശ്രമം നൽകാമെന്നും അദ്ദേഹം അഭിപ്രായപ്പെട്ടു.

“സഞ്ജു സാംസണിൽ നിന്നോ ഋഷഭ് പന്തിൽ നിന്നോ ഒരാളെ തിരഞ്ഞെടുക്കണമെന്ന് ഞാൻ കരുതുന്നു. ദക്ഷിണാഫ്രിക്കയിൽ കളിച്ചിട്ടുള്ളതിനാൽ സഞ്ജുവിന് മുൻഗണന നൽകണമെന്ന് എനിക്ക് തോന്നുന്നു. റിഷഭ് ഓസ്‌ട്രേലിയയിൽ നന്നായി കളിച്ചു, പക്ഷേ അത് ഒരു നീണ്ട പര്യടനമായിരുന്നു, അതിനാൽ അദ്ദേഹത്തിന് വിശ്രമം നൽകാം.” ഹർഭജൻ പറഞ്ഞു.

2023 ഡിസംബറിൽ ദക്ഷിണാഫ്രിക്കയ്‌ക്കെതിരായ തൻ്റെ അവസാന ഏഴ് ടി20യിൽ മൂന്ന് സെഞ്ചുറികളും സെഞ്ച്വറിയുമായി സാംസൺ മികച്ച ഫോമിലാണ്. 16 ഏകദിനങ്ങളിൽ ഒരു സെഞ്ചുറിയും മൂന്ന് അർധസെഞ്ചുറികളും ഉൾപ്പെടെ 56.66 ശരാശരിയിൽ 510 റൺസ് സാംസൺ നേടിയിട്ടുണ്ട്.