ഈ ഇംഗ്ലണ്ട് താരം വജ്രം: ആന്‍ഡേഴ്സണ്‍

- Advertisement -

ഇംഗ്ലണ്ട് ഓള്‍റൗണ്ടര്‍ സാം കറനെ വജ്രമെന്ന് വിശേഷിപ്പിച്ച് സീനിയര്‍ പേസ് ബൗളര്‍ ജെയിംസ് ആന്‍ഡേഴ്സണ്‍. പാക്കിസ്ഥാനെതിരെ ടെസ്റ്റ് അരങ്ങേറ്റം നടത്തിയ ഇംഗ്ലണ്ട് ഓള്‍റൗണ്ടര്‍ ഇംഗ്ലണ്ടിനെതിരെ അഞ്ച് ടെസ്റ്റ് പരമ്പരയിലെ താരമായി വിരാട് കോഹ്‍ലിയ്ക്കൊപ്പം തിരഞ്ഞെടുക്കപ്പെട്ടിരുന്നു. ബാറ്റ് കൊണ്ടും പന്ത് കൊണ്ടും മായാജാലം കാണിച്ചാണ് കറന്‍ ഈ നേട്ടം കൈവരിച്ചത്.

നാല് ഇന്നിംഗ്സുകളില്‍ നിന്ന് 272 റണ്‍സ് നേടിയ കറന്‍ രണ്ട് ടെസ്റ്റുകളില്‍ ഇംഗ്ലണ്ടിനെ തകര്‍ച്ചയില്‍ നിന്ന് കരയറ്റി. എഡ്ജ്ബാസ്റ്റണിലും സൗത്താംപ്ടണിലും താരം അര്‍ദ്ധ ശതകങ്ങളോടു കൂടി നിര്‍ണ്ണായകമായ ബാറ്റിംഗ് പ്രകടനം നടത്തി ഇംഗ്ലണ്ടിന്റെ വിജയത്തില്‍ ശ്രദ്ധേയമായ പങ്കുവഹിച്ചിരുന്നു.

11 വിക്കറ്റും പരമ്പരയില്‍ നിന്ന് സാം കറന്‍ നേടിയിരുന്നു. ഇംഗ്ലണ്ട് വജ്രത്തെയാണ് കണ്ടെത്തിയിരിക്കുന്നതെന്നാണ് താരത്തിന്റെ പ്രകടനത്തെക്കുറിച്ച് സീനിയര്‍ താരം ജെയിംസ് ആന്‍ഡേഴ്സണ്‍ പറഞ്ഞത്. ഏത് പ്രതികൂല സാഹചര്യത്തിലും റണ്‍സ് കണ്ടെത്തുക പന്ത് കൊണ്ട് മാന്ത്രിക പ്രകടനം നടത്തുക, ഇത് ചെയ്യുന്ന താരത്തെ വജ്രമെന്ന് തന്നെ വിശേഷിപ്പിക്കണമെന്ന് ജെയിംസ് ആന്‍ഡേഴ്സണ്‍ അഭിപ്രായപ്പെട്ടു.

Advertisement