കെന്റിനായി തന്റെ കൗണ്ടി അരങ്ങേറ്റത്തിൽ അഞ്ച് വിക്കറ്റ് നേട്ടവുമായി നവ്ദീപ് സൈനി. 18 ഓവറിൽ വെറും 72 റൺസ് വിട്ട് നൽകിയാണ് ഇന്ത്യന്‍ താരം ഈ അഞ്ച് വിക്കറ്റുകള്‍ നേടിയത്. ഈ പ്രകടനത്തിന്റെ ബലത്തിൽ എതിരാളികളായ വാര്‍വിക്ക്ഷയറിനെ കെന്റ് 225 റൺസിൽ എറിഞ്ഞിടുകയായിരുന്നു.
നേരത്തെ കെന്റ് തങ്ങളുടെ ആദ്യ ഇന്നിംഗ്സിൽ വെറും 165 റൺസിന് ഓള്‍ഔട്ട് ആയിരുന്നു. പക്ഷേ സൈനിയുടെ പ്രകടനം കെന്റിന് 60 റൺസ് ലീഡ് മാത്രം വഴങ്ങേണ്ട സാഹചര്യം സൃഷ്ടിച്ചെടുക്കുകയായിരുന്നു.
രണ്ടാം ഇന്നിംഗ്സിൽ ഭേദപ്പെട്ട ബാറ്റിംഗ് പ്രകടനം പുറത്തെടുത്ത കെന്റ് 198/4 എന്ന നിലയിലാണ്. 138 റൺസിന്റെ ലീഡാണ് കെന്റിന്റെ കൈവശമുള്ളത്.
