ബംഗ്ലാദേശിന്റെ ശ്രീലങ്കയ്ക്കെതിരെയുള്ള ഏകദിന പരമ്പരകളുടെ തയ്യാറെടുപ്പുകള്ക്ക് തിരിച്ചടി. പേസര്മാരായ റൂബല് ഹൊസൈനും ഹസന് മഹമ്മൂദും പരിക്ക് മൂലം പരമ്പരയില് കളിക്കില്ലെന്നാണ് ബോര്ഡ് പ്രഖ്യാപിച്ചത്. പുറംവേദനയുള്ള താരങ്ങള്ക്ക് റീഹാബിലിറ്റേഷന് കഴിഞ്ഞ മാത്രമേ കളിക്കളത്തിലേക്ക് മടങ്ങിയെത്താനാകൂ എന്നാണ് ലഭിയ്ക്കുന്ന വിവരം.
ഫിറ്റ്നെസ്സ് പ്രശ്നങ്ങള് ഉള്ള ആരെയും ഉള്പ്പെടുത്തുന്നില്ലെന്നാണ് തീരുമാനമെന്നാണ് ബിസിബി ചീഫ് സെലക്ടര് മിന്ഹാജുല് അബേദിന് വ്യക്തമാക്കിയത്. മേയ് 23ന് ആരംഭിയ്ക്കുന്ന പരമ്പരയ്ക്കായി 23 അംഗ പ്രാഥമിക സംഘത്തില് നിന്ന് ഈ രണ്ട് താരങ്ങള് ഒഴിവായതോടെ സംഘത്തില് ഇപ്പോള് 21 പേരാണുള്ളത്.
