ബാറ്റ് ചെയ്യുമ്പോളൊഴികെ ബാക്കി സമയത്തെല്ലാം രോഹിത് കൂള്‍ ആണ് – മുഹമ്മദ് ഷമി

Rohit
- Advertisement -

രോഹിത് ശര്‍മ്മ വളരെ വ്യത്യസ്തമായ ക്യാരക്ടറാണെന്ന് പറഞ്ഞ് മുഹമ്മദ് ഷമി. താരം വളരെ കൂള്‍ ആയ വ്യക്തിയാണെങ്കിലും ബാറ്റ് ചെയ്യാനെത്തുമ്പോള്‍ താരം അത്തരത്തില്‍ അല്ലെന്ന് ഷമി പറഞ്ഞു. താന്‍ ഉപദേശവുമായി താരത്തെ സമീപിക്കുമ്പോളെല്ലാം പോസിറ്റീവ് പ്രതികരണങ്ങളാണ് കിട്ടിയിട്ടുള്ളതെന്നും ബൗളര്‍മാരെ അവര്‍ ഉദ്ദേശിക്കുന്ന കാര്യം പ്രോത്സാഹിപ്പിക്കുവാന്‍ രോഹിത് എപ്പോളും ശ്രമിക്കാറുണ്ടെന്നും ഷമി പറഞ്ഞു.

അത് ബൗളര്‍മാരുടെ ആത്മവിശ്വാസത്തിന് ഏറെ ഗുണം ചെയ്യുന്നുണ്ടെന്നും മുഹമ്മദ് ഷമി വ്യക്തമാക്കി. ഇന്ത്യയുടെ പരിമിത ഓവര്‍ ക്രിക്കറ്റ് ഉപനായകന്‍ ബൗളര്‍മാര്‍ക്ക് അവരുടെ സ്വാതന്ത്ര്യം നല്‍കുന്നുണ്ടെന്നും ഷമി പറഞ്ഞു. അതേ സമയം വിരാട് കോഹ്‍ലിയെ അപേക്ഷിച്ച് അത്ര അഗ്രസീവ് അല്ല രോഹിത്തെന്നും ഷമി സൂചിപ്പിച്ചു.

Advertisement