രോഹിത് ശർമ്മയ്ക്കും വിരാട് കോഹ്ലിക്കും ഇനിയും ഇന്ത്യൻ ടീമിനായി കളിക്കാനുള്ള ഫിറ്റ്നസ് ഉണ്ട് എന്ന് മുൻ ഇന്ത്യൻ താരം ഹർഭജൻ സിംഗ്.”രോഹിതിന് രണ്ട് വർഷം കൂടി എളുപ്പത്തിൽ കളിക്കാനാകും. വിരാട് കോഹ്‌ലിയുടെ ഫിറ്റ്നസ് എത്ര മികച്ചതാണ് എന്ന് നിങ്ങൾക്ക് അറിയില്ല, അഞ്ച് വർഷം അദ്ദേഹം സുഖമായി കളിക്കുന്നത് നിങ്ങൾക്ക് കാണാൻ കഴിയും. ടീമിലെ ഏറ്റവും ഫിറ്റ്‌ താരം അദ്ദേഹമായിരിക്കും,” ഹർഭജൻ പറഞ്ഞു.
“വിരാടിനൊപ്പം മത്സരിക്കുന്ന ഏതൊരു 19 വയസ്സുകാരനോടും നിങ്ങൾ ചോദിക്കൂ. വിരാട് അവനെ തോൽപ്പിക്കും. അവൻ അത്ര ഫിറ്റാണ്. വിരാടിനും രോഹിതിനും ഒരുപാട് ക്രിക്കറ്റ് ബാക്കിയുണ്ടെന്ന് ഞാൻ വിശ്വസിക്കുന്നു, തീരുമാനം പൂർണ്ണമായും അവരുടേതാണ്. അവർ മതിയായ ഫിറ്റാണെങ്കിൽ, അവർ പ്രകടനം നടത്തുന്നു എങ്കിൽ, ടീം വിജയിക്കുന്നു എങ്കിൽ, അവർ കളിക്കുന്നത് തുടരണം, ”അദ്ദേഹം കൂട്ടിച്ചേർത്തു.
