ഇന്ത്യയുടെ പുത്തന്‍ താരം ഋഷഭ് പന്തിനു ഗ്രേഡ് എ കരാര്‍ നല്‍കി ബിസിസിഐ. അതേ സമയം ഭുവനേശ്വര്‍ കുമാരിനും ശിഖര്‍ ധവാനും കരാര്‍ തരം താഴ്ത്തപ്പെടുകയായിരുന്നു. കഴിഞ്ഞ വര്‍ഷം ഗ്രേഡ് എ+ കരാര്‍ ലഭിച്ച താരങ്ങളെ ഇപ്പോള്‍ എ കരാര്‍ ആണ് നല്‍കിയിരിക്കുന്നത്. കഴിഞ്ഞ വര്‍ഷം എ കരാര്‍ ലഭിച്ച മുരളി വിജയയ്ക്ക് ഇത്തവണ കരാര്‍ ഒന്നും തന്നെ ലഭിച്ചില്ല.
2018-19 സീസണിലേക്കുള്ള തീരുമാനങ്ങളാണ് ബിസിസിഐ കമ്മിറ്റി ഓഫ് അഡ്മിനിസ്ട്രേറ്റര്‍മാര്‍ കൈകൊണ്ടിട്ടുള്ളത്. ഗ്രേഡ് ബി യില്‍ നിന്ന് ഇഷാന്ത് ശര്‍മ്മ, മുഹമ്മദ് ഷമി, കുല്‍ദീപ് യാദവ് എന്നിവരാണ് ഗ്രേഡ് എ യിലേക്ക് ഉയര്‍ന്നിരിക്കുന്നത്. അതേ സമയം പരിക്ക് മൂലം സീസണ്‍ ഏറെക്കുറെ പൂര്‍ണ്ണമായും നഷ്ടപ്പെട്ട വൃദ്ധിമന്‍ സാഹയ്ക്ക് സി ഗ്രേഡ് കരാര്‍ ആണ് നല്‍കിയിരിക്കുന്നത്. മറ്റൊരു വിക്കറ്റ് കീപ്പര്‍ ദിനേശ് കാര്‍ത്തിക്കിനും സി ഗ്രേഡ് കരാര്‍ മാത്രമാണ ലഭിച്ചത്.
അതേ സമയം ഇന്ത്യന്‍ ടീമില്‍ സ്ഥിരം സ്ഥാനം ഉറപ്പിച്ച അമ്പാട്ടി റായിഡുവിനു സി ഗ്രേഡ് കരാര്‍ ലഭിച്ചു. കഴിഞ്ഞ തവണ താരത്തിനു കരാറൊന്നും ലഭിച്ചിരുന്നില്ല.
ഗ്രേഡ് എ+(7 കോടി രൂപ) – വിരാട് കോഹ്‍ലി, രോഹിത് ശര്‍മ്മ, ജസ്പ്രീത് ബുംറ
ഗ്രേഡ് എ(5 കോടി രൂപ) – രവിചന്ദ്രന്‍ അശ്വിന്‍, രവീന്ദ്ര ജഡേജ, ഭുവനേശ്വര്‍ കുമാര്‍, ചേതേശ്വര്‍ പുജാര, അജിങ്ക്യ രഹാനെ, എംഎസ് ധോണി, ശിഖര്‍ ധവാന്‍, മുഹമ്മദ് ഷമി, ഇഷാന്ത് ശര്‍മ്മ, കുല്‍ദീപ് യാദവ്, ഋഷഭ് പന്ത്
ഗ്രേഡ് ബി(മൂന്ന് കോടി): കെഎല്‍ രാഹുല്‍, ഉമേഷ് യാദവ്, യൂസുവേന്ദ്ര ചഹാല്‍, ഹാര്‍ദ്ദിക് പാണ്ഡ്യ
ഗ്രേഡ് സി(ഒരു കോടി): കേധാര്‍ ജാഥവ്, ദിനേശ് കാര്‍ത്തിക്, അമ്പാട്ടി റായിഡു, മനീഷ് പാണ്ടേ, ഹനുമ വിഹാരി, ഖലീല്‍ അഹമ്മദ്, വൃദ്ധിമന്‍ സാഹ
