ഇന്ത്യന്‍ ടീമിലെ തന്റെ റോള്‍ എന്താണെന്ന് വ്യക്തതയുണ്ടെെന്നും അത് അവസാന അഞ്ചോവറിൽ ബാറ്റ് ചെയ്യുക എന്നതാണെന്നും പറഞ്ഞ് റിങ്കു സിംഗ്. താന്‍ ഏറെ നാളായി 5-6 സ്ഥാനത്താണ് ബാറ്റ് ചെയ്യാനെത്തുന്നതെന്നും അതിനാൽ തന്നെ സംയമനം പാലിച്ച് ഫോക്കസോട് കൂടി ബാറ്റ് ചെയ്യുവാനാണ് ശ്രമിക്കുന്നതെന്നും ബോളിനെ അതിന്റെ മെറിറ്റിൽ കളിക്കുവാനാണ് താന്‍ ശ്രമിക്കുന്നതെന്നും റിങ്ക പറഞ്ഞു. തന്റെ ഫിനിഷിംഗ് സ്കില്ലിൽ താന്‍ പുരോഗതി വരുത്തുവാന്‍ ശ്രമിക്കുകയാണെന്നും റിങ്കു കൂട്ടിചേര്‍ത്തു.
താന്‍ നെറ്റ് സെഷനിലും ഇതേ മനോഭാവത്തോട് കൂടിയാണ് കളിക്കുന്നതെന്നും ടീമിലെ യുവതാരങ്ങള്‍ ഈ സെറ്റപ്പ് ഏറെ ആസ്വദിക്കുന്നുണ്ടെന്നും റിങ്കു സിംഗ് വ്യക്തമാക്കി.
