ടെസ്റ്റ് ക്രിക്കറ്റിൽ ഇന്ത്യയ്ക്കായി ഏറ്റവും അധികം വിക്കറ്റ് നേടുന്ന മൂന്നാമത്തെ താരമായി രവിചന്ദ്രന്‍ അശ്വിന്‍. ഇന്ന് കാന്‍പൂര്‍ ടെസ്റ്റിന്റെ അവസാന ദിവസം ടോം ലാഥമിന്റെ വിക്കറ്റ് നേടിയ അശ്വിന്‍ 418 വിക്കറ്റുമായി ഈ പട്ടികയിലെ മൂന്നാമനായി മാറി.
ഹര്‍ഭജന്‍ സിംഗിന്റെ നേട്ടത്തെയാണ് താരം മറികടന്നത്. അശ്വിനെക്കാള്‍ മുന്നിൽ ഇപ്പോള്‍ കപിൽ ദേവും അനിൽ കുംബ്ലെയുമാണുള്ളത്. കപിൽ 434 ടെസ്റ്റ് വിക്കറ്റും അനിൽ കുംബ്ലെ 619 ടെസ്റ്റ് വിക്കറ്റുമാണ് നേടിയിട്ടുള്ളത്.
