സിംബാബ്‍വേയ്ക്കെതിരെ മാര്‍ച്ച് 2ന് ആരംഭിയ്ക്കുന്ന ആദ്യ ടെസ്റ്റില്‍ റഷീദ് ഖാന്‍ കളിക്കുവാനുള്ള സാധ്യത കുറവ്. പാക്കിസ്ഥാന്‍ സൂപ്പര്‍ ലീഗില്‍ ലാഹോര്‍ ഖലന്തേഴ്സിന് വേണ്ടി കളിക്കുമ്പോള്‍ കൈവിരലിന് പരിക്കേറ്റതാണ് താരത്തിന് തിരിച്ചടിയായത്.
താരത്തിന്റെ ചികിത്സ മുന്നോട്ട് പോകുന്നുണ്ടെങ്കിലും ആദ്യ ടെസ്റ്റില്‍ ഉള്‍പ്പെടുത്തുന്ന കാര്യം ഫെബ്രുവരി 28ന് പരിശോധനയ്ക്ക് ശേഷം മാത്രമേ തീരുമാനിക്കുകയുള്ളു. പാക്കിസ്ഥാന്‍ സൂപ്പര്‍ ലീഗില്‍ താരത്തിന് വെറും രണ്ട് മത്സരങ്ങളില്‍ മാത്രമാണ് കളിക്കുവാനായത്.
