ഹൈദെരാബാദിനെതിരെയുള്ള ഡൽഹിയുടെ രഞ്ജി ട്രോഫി മത്സരങ്ങളിൽ ഇന്ത്യൻ താരങ്ങളായ ഇഷാന്ത് ശർമ്മയും ശിഖർ ധവാനും കളിക്കും. ഡിസംബർ 25നാണ് ഡൽഹിയുടെ ഹൈദെരാബാദിനെതിരായ രഞ്ജി ട്രോഫി മത്സരം. സയ്ദ് മുഷ്‌താഖ്‌ അലി ട്രോഫിയിൽ പരിക്കേറ്റ ശിഖർ ധവാൻ വെസ്റ്റിൻഡീസിനെതിരായ പരമ്പരയിൽ ഇടം പിടിച്ചിരുന്നില്ല.
തുടർന്ന് പരിക്ക് മാറിയ ശിഖർ ധവാനെ ശ്രീലങ്കക്കെതിരെയും ഓസ്ട്രേലിയകെതിരെയുമുള്ള പാരമ്പരക്കുള്ള ഇന്ത്യൻ ടീമിൽ ഉൾപ്പെടുത്തിയിരുന്നു. അതെ സമയം ഇഷാന്ത് ശർമ്മയുടെ ജോലി ഭാരം കുറയ്ക്കുന്നതിന്റെ ഭാഗമായി താരം ഡൽഹിക്ക് വേണ്ടി രഞ്ജി മത്സരങ്ങളിൽ കളിച്ചിരുന്നില്ല. ന്യൂസിലാൻഡിനെതിരെ നടക്കുന്ന പരമ്പരയിൽ ടീമിൽ ഇടം നേടുകയെന്ന ലക്ഷ്യവുമായാണ് ഇഷാന്ത് ശർമ്മ രഞ്ജി ട്രോഫിയിൽ കളിയ്ക്കാൻ ഇറങ്ങുന്നത്.
