ബംഗാള്‍ പൊരുതുന്നു, 41 റണ്‍സ് മാത്രം പിന്നില്‍

ആദ്യ ഇന്നിംഗ്സിനെ അപേക്ഷിച്ച് ഭേദപ്പെട്ട ബാറ്റിംഗ് പ്രകടനവുമായി ബംഗാള്‍. 5/1 എന്ന നിലയില്‍ ബാറ്റിംഗ് ആരംഭിച്ച ടീമിനു അഭിഷേക് കുമാര്‍ രാമനെ(13) നഷ്ടപ്പെടുമ്പോള്‍ സ്കോര്‍ ബോര്‍ഡില്‍ റണ്‍സ് 26 ആയിരുന്നു. പിന്നീട് മൂന്നാം വിക്കറ്റില്‍ നായകന്‍ മനോജ് തിവാരിയും സുദീപ് ചാറ്റര്‍ജിയും പുറത്താകാതെ നേടിയ 77 റണ്‍സിന്റെ ബലത്തില്‍ ബംഗാള്‍ മൂന്നാം ദിവസം ഉച്ച ഭക്ഷണത്തിനു പിരിയുമ്പോള്‍ 103/2 എന്ന നിലയിലാണ്. കേരളത്തിനു 41 റണ്‍സിന്റെ ലീഡ് മാത്രമാണ് കൈവശമുള്ളത്.

56 പന്തില്‍ 56 റണ്‍സുമായി മനോജ് തിവാരിയും 27 റണ്‍സ് നേടി സുദീപ് ചാറ്റര്‍ജിയുമാണ് ക്രീസില്‍ നില്‍ക്കുന്നത്. കേരളത്തിനായി രണ്ട് വിക്കറ്റും വീഴ്ത്തിയത് സന്ദീപ് വാര്യര്‍ ആണ്.