അഞ്ച് വിക്കറ്റുമായി സന്ദീപ് വാര്യര്‍, കേരളത്തിനു ജയിക്കുവാന്‍ 41 റണ്‍സ്

രഞ്ജിയിലെ മികവ് എവേ മത്സരത്തിലും തുടര്‍ന്ന് കേരളം. ബംഗാളിനെ രണ്ടാം ഇന്നിംഗ്സില്‍ 184 റണ്‍സിനു പുറത്താക്കിയാണ് കേരളം മത്സരത്തില്‍ തങ്ങളുടെ ആധിപത്യം ഉറപ്പാക്കിയത്. സന്ദീപ് വാര്യര്‍ അഞ്ച് വിക്കറ്റ് നേടിയ ഇന്നിംഗ്സില്‍ ബംഗാളിനു 40 റണ്‍സിന്റെ ലീഡ് മാത്രമാണ് നേടാനായത്. മത്സരത്തിന്റെ മൂന്നാം ദിവസം തന്നെ വിജയം നേടി ബോണ്‍സ് പോയിന്റ് കരസ്ഥമാക്കുക എന്നതാവും കേരളത്തിന്റെ ലക്ഷ്യം.

115/2 എന്ന നിലയില്‍ നിന്നാണ് ബംഗാള്‍ 184 റണ്‍സിനു ഓള്‍ഔട്ട് ആയത്. 62 റണ്‍സ് നേടിയ ക്യാപ്റ്റന്‍ മനോജ് തിവാരിയെ സന്ദീപ് വാര്യര്‍ പുറത്താക്കിയ ശേഷം ഏറെ വൈകാതെ ബംഗാള്‍ ഓള്‍ഔട്ട് ആവുകയായിരുന്നു. സുദീപ് ചാറ്റര്‍ജി 39 റണ്‍സ് നേടി. ബേസില്‍ തമ്പി മൂന്ന് വിക്കറ്റ് നേടിയപ്പോള്‍ ജലജ് സക്സേന, നിധീഷ് എംഡി എന്നിവര്‍ ഓരോ വിക്കറ്റ് നേടി.

33 റണ്‍സ് മാത്രം വിട്ട് നല്‍കിയാണ് സന്ദീപ് ബംഗാളിന്റെ നടുവൊടിച്ചത്.