റാഞ്ചിയില്‍ ഇന്ന് ആരംഭിച്ച രാജസ്ഥാന്‍ ജാര്‍ഖണ്ഡ് രഞ്ജി മത്സരത്തിന്റെ ആദ്യ ദിവസം വീണത് 15 വിക്കറ്റ്. ജാര്‍ഖണ്ഡിനായി അഞ്ച് വിക്കറ്റ് വീഴ്ത്തി വരുണ്‍ ആരോണ്‍ രാജസ്ഥാനെ 100 റണ്‍സില്‍ ഒതുക്കിയപ്പോള്‍ തന്‍വീര്‍ ഉള്‍-ഹക്കിന്റെ നാല് വിക്കറ്റ് നേട്ടത്തിന്റെ ബലത്തില്‍ രാജസ്ഥാന്‍ ജാര്‍ഖണ്ഡിന്റെ 92/5 എന്ന നിലയിലാക്കി പ്രതിരോധം സൃഷ്ടിക്കുകയായിരുന്നു.
ഇഷാംഗ് ജഗ്ഗി 44 റണ്‍സുമായി പുറത്താകാതെ ക്രീസില്‍ നില്‍ക്കുമ്പോള്‍ ജാര്‍ഖണ്ഡ് ഒന്നാം ഇന്നിംഗ്സ് ലീഡ് നേടാനാകുമെന്ന പ്രതീക്ഷയിലാണ് നില്‍ക്കുന്നത്. വരുണ്‍ ആരോണിനു പുറമേ അജയ് യാദവ് ജാര്‍ഖണ്ഡിനായി മൂന്ന് വിക്കറ്റ് നേടി.
