ടി20 ലോകകപ്പിനുള്ള ടീം കോമ്പിനേഷനെക്കുറിച്ച് ഉത്തമ ബോധ്യമുണ്ട് – രാഹുൽ ദ്രാവിഡ്

2022 ടി20 ലോകകപ്പിനുള്ള ടീം കോമ്പിനേഷനെക്കുറിച്ച് ഇന്ത്യയ്ക്ക് ഉത്തമ ബോധ്യമുണ്ടെന്ന് പറഞ്ഞ് ടീം കോച്ച് രാഹുല്‍ ദ്രാവിഡ്. കഴിഞ്ഞ വര്‍ഷം ഗ്രൂപ്പ് ഘട്ടം കടക്കാതെയാണ് ഇന്ത്യ പുറത്ത് പോയത്.

തനിക്കും രോഹിത്തിനും ടി20 ലോകകപ്പിന് വേണ്ട സ്ക്വാഡ് എന്താണെന്നതിൽ വ്യക്തതയുണ്ടെന്ന് രാഹുല്‍ വ്യക്തമാക്കി. ഒരു സെറ്റ് ഫോര്‍മുല ടി20യിൽ ഇല്ലെങ്കിലും തനിക്കും രോഹിത്തിനും സെലക്ടര്‍മാര്‍ക്കും ടീം മാനേജ്മെന്റിനും സന്തുലിതമായ സ്ക്വാഡ് എന്താകണമെന്ന ബോധ്യമുണ്ടെന്നും ദ്രാവിഡ് വ്യക്തമാക്കി.