അന്താരാഷ്ട്ര ക്രിക്കറ്റിൽ നിന്ന് വിരമിക്കുന്നതായി പ്രഖ്യാപിച്ച് ഓസ്ട്രേലിയന്‍ ബാറ്റിംഗ് താരം റേച്ചൽ ഹെയ്ന്സ്. ഓസ്ട്രേലിയയ്ക്കായി 6 ടെസ്റ്റുകളും 77 ഏകദിനങ്ങളും 84 ടി20 അന്താരാഷ്ട്ര മത്സരങ്ങളും കളിച്ചിട്ടുള്ള താരം ഓസ്ട്രേലിയയ്ക്കായി പരിമിത ഓവര്‍ ക്രിക്കറ്റിൽ ഏറ്റവും അധികം റൺസ് നേടിയ വനിത താരങ്ങളുടെ പട്ടികയിൽ 9ാം സ്ഥാനത്താണുള്ളത്.
ഓസ്ട്രേലിയയുടെ രണ്ട് ടി20 ലോകകപ്പ്, ഒരു ഏകദിന ലോകകപ്പ്, കോമൺവെൽത്ത് ഗെയിംസ് സ്വര്‍ണ്ണം എന്നിവ നേടിയ ടീമിൽ അംഗമായിരുന്നു ഹെയ്ന്സ്. വനിത ബിഗ് ബാഷ് ലീഗിന്റെ എട്ടാം സീസണോട് കൂടി താരം ക്രിക്കറ്റിൽ നിന്ന് തന്നെ റിട്ടയര്‍ ചെയ്യുമെന്നാണ് അറിയുന്നത്.
