താന്‍ പന്തെറിയുവാന്‍ ആഗ്രഹിച്ച പഴയകാല താരങ്ങളില്‍ സച്ചിന്‍ ടെണ്ടുല്‍ക്കറെയും ഉള്‍പ്പെടുത്തി കാഗിസോ റബാഡ

- Advertisement -

നിലവിലെ പേസ് ബൗളര്‍മാരില്‍ ലോകോത്തര നിലവാരം കാത്തുസൂക്ഷിക്കുന്ന ഒരു താരമാണ് കാഗിസോ റബാഡ. താന്‍ പന്തെറിയുവാന്‍ ആഗ്രഹിക്കുന്ന പഴയകാല താരങ്ങളുടെ പട്ടിക പുറത്ത് വിടുകയായിരുന്നു റബാഡ. അതില്‍ ഇന്ത്യയുടെ ബാറ്റിംഗ് ഇതിഹാസം സച്ചിന്‍ ടെണ്ടുല്‍ക്കറും ഉള്‍പ്പെടുന്നു. ഇന്‍സ്റ്റാഗ്രാം ലൈവില്‍ താരം ഡല്‍ഹി ക്യാപിറ്റല്‍സ് ഫാന്‍സുമായി ഇടപഴുകുമ്പോള്‍ ആണ് താരം ഇത് വ്യക്തമാക്കിയത്.

നാല് താരങ്ങളെയാണ് താരം ഇത്തരത്തില്‍ തിരഞ്ഞെടുത്തത്. സച്ചിന്‍ ടെണ്ടുല്‍ക്കറിന് പുറമെ ഇംഗ്ലണ്ട് മുന്‍ താരം കെവിന്‍ പീറ്റേഴ്സണ്‍, വിന്‍ഡീസ് ഇതിഹാസം വിവിയന്‍ റിച്ചാര്‍ഡ്സ്, ഓസ്ട്രേലിയയുടെ ലോകകപ്പ് ജേതാവ് കൂടിയായ റിക്കി പോണ്ടിംഗ് എന്നിവരാണ് താരത്തിന്റെ പട്ടികയില്‍ ഉള്‍പ്പെടുന്ന താരങ്ങള്‍.

Advertisement