ദക്ഷിണാഫ്രിക്കന്‍ ക്രിക്കറ്റര്‍ ഓഫ് ദി ഇയര്‍ അവാര്‍ഡ് സ്വന്തമാക്കി ക്വിന്റണ്‍ ഡി കോക്ക്

- Advertisement -

കഴി‍ഞ്ഞ വര്‍ഷത്തെ ദക്ഷിണാഫ്രിക്കന്‍ ക്രിക്കറ്റര്‍ അവാര്‍ഡ് നേടി ക്വിന്റണ്‍ ഡി കോക്ക്. ഡി കോക്ക് പുരുഷ വിഭാഗം വിജയി ആയപ്പോള്‍ വനിത താരമായി തിരഞ്ഞെടുക്കപ്പെട്ടത് ലോറ വോള്‍വാര്‍ഡ്ട് ആണ്. ക്വിന്റണ്‍ ഡി കോക്കിന് ടെസ്റ്റ് ക്രിക്കറ്റര്‍ ഓഫ് ദി ഇയര്‍ പുരസ്കാരവും നേടിയിട്ടുണ്ട്. ലോറയ്ക്ക് ഏകദിന താരത്തിന്റെ അവാര്‍ഡും ലഭിച്ചു.

ഇത് രണ്ടാം തവണയാണ് ഡി കോക്ക് ഈ പുരസ്കാരം നേടുന്നത്. ദക്ഷിണാഫ്രിക്കന്‍ ചരിത്രത്തില്‍ ഈ നേട്ടം രണ്ടാം തവണ നേടുന്ന ആറാം താരമാണ് ക്വിന്റണ്‍. ഈ നേട്ടം മൂന്ന് തവണ നേടിയ അഞ്ച് താരങ്ങളുണ്ട്. മകായ എന്‍ടിനി, കാഗിസോ റബാഡ, ജാക്വസ് കാലിസ്, ഹാഷിം അംല, എബി ഡി വില്ലിയേഴ്സ് എന്നിവരാണ് ഇവര്‍.

ദക്ഷിണാഫ്രിക്കയുടെ ലുംഗിസാനി ഗിഡിയ്ക്കാണ് ഏകദിനത്തിലെയും ടി20യിലെയും മികച്ച താരത്തിനുള്ള അവാര്‍ഡ്. വര്‍ഷത്തെ പുതുമുഖ താരത്തിനുള്ള അവാര്‍ഡ് ആന്‍റിച്ച് നോര്‍ട്ജേ സ്വന്തമാക്കി. ഇംഗ്ലണ്ടിനെതിരെയുള്ള പരമ്പരയില്‍ നേടിയ അഞ്ച് വിക്കറ്റാണ് താരത്തിന് ഈ നേട്ടം നല്‍കിയത്.

Advertisement