മുന്‍ ദക്ഷിണാഫ്രിക്കന്‍ സൂപ്പര്‍ താരം എബി ഡി വില്ലിയേഴ്സ് പാക്കിസ്ഥാന്‍ സൂപ്പര്‍ ലീഗില്‍ കളിക്കില്ലെന്നും താരം പരിക്കേറ്റതിനാലാണ് ഇതെന്ന തരത്തിലുള്ള ശക്തമായ അഭ്യൂഹങ്ങള്‍ സമൂഹ മാധ്യമങ്ങളിലൂടെ പടരുമ്പോളും ഇതെല്ലാം വ്യാജമാണെന്ന് സ്ഥിതീകരിച്ച് ഫ്രാഞ്ചൈസി രംഗത്ത്. താരത്തിന്റെ പാക്കിസ്ഥാന്‍ സൂപ്പര്‍ ലീഗ് ഫ്രാഞ്ചൈസിയായ ലാഹോര്‍ ഖലന്തേഴ്സ് ആണ് താരം പൂര്‍ണ്ണ ആരോഗ്യവാനാണെന്നും പരിക്ക് മൂലും ടൂര്‍ണ്ണമെന്റില്‍ പങ്കെടുക്കില്ല എന്ന വാര്‍ത്ത അടിസ്ഥാനരഹിതമാണെന്നുമുള്ള വാര്‍ത്ത പുറത്ത് വിടുന്നത്.
ഇന്ന് ടൂര്‍ണ്ണമെന്റിന്റെ ഉദ്ഘാടന മത്സരത്തില്‍ ലാഹോര്‍ ഖലന്തേഴ്സ് ഇസ്ലാമാബാദ് യുണൈറ്റഡിനെ നേരിടാനിരിക്കെയാണ് ഇത്തരം വാര്‍ത്തകള്‍ പരക്കുന്നത്. താരം പരിക്കേറ്റ് പുറത്തായിട്ടില്ലെന്ന് പറയുമ്പോളും ഇന്നത്തെ മത്സരത്തില്‍ എബി ഡി വില്ലിയേഴ്സ് കളിക്കുമോ എന്നത് ഫ്രാഞ്ചൈസി വ്യക്തമാക്കിയിട്ടില്ല.
