പാകിസ്ഥാൻ സൂപ്പർ ലീഗ് 2023ൽ ഇന്ന് കണ്ടത് ഒരു ത്രില്ലർ ആയിരുന്നു. ടി20 ചരിത്രത്തിൽ ഇതുവരെയുള്ള ഏറ്റവും മികച്ച രണ്ടാമത്തെ ചെയ്സ്. ആവേശകരമായ ഏറ്റുമുട്ടലിൽ, റാവൽപിണ്ടിയിലെ പെഷവാർ സാൽമിക്കെതിരെ ക്വറ്റ ഗ്ലാഡിയേറ്റേഴ്സ് 8 വിക്കറ്റിന് ആണ് വിജയിച്ചത്. 241 എന്ന വിജയ ലക്ഷ്യം ആണ് അനായാസം ഗ്ലാഡിയേറ്റേഴ്സ് മറികടന്നത്.
65 പന്തിൽ 15 ബൗണ്ടറിയും മൂന്ന് സിക്സും ഉൾപ്പെടെ 115 റൺസ് നേടിയ ബാബർ അസമിന്റെ തകർപ്പൻ സെഞ്ചുറി പെഷവാറിന് നല്ല സ്കോർ നൽകി. പി എസ് എല്ലിലെ ബാബാറിന്റെ ആദ്യ സെഞ്ച്വറി ആയിരുന്നു ഇത്. സെയിം അയൂബ് പെഷവാറിനായി 34 പന്തിൽ 74 റൺസ് നേടി. പെഷവാർ സാൽമിയെ 20 ഓവറിൽ 240/2 എന്ന കൂറ്റൻ സ്‌കോറിലേക്ക് എത്തി.
മറുപടി ബാറ്റിങിന് ഇറങ്ങിയ ഗ്ലാഡിയേറ്റേഴ്സ് ജേസൺ റോയിയുടെ 63 പന്തിൽ 145 റൺസ് എന്ന അപരാജിത് ഇന്നിങ്സിന്റെ ബലത്തിൽ ജയത്തിലേക്ക് എത്തി. 20 ബൗണ്ടറികളും അഞ്ച് സിക്‌സറുകളും റോയ് പറത്തിം 18 പന്തിൽ 41 റൺസ് നേടിയ മുഹമ്മദ് ഹഫീസ് മികച്ച പിന്തുണ നൽകി. വിൽ സ്മീഡും 26 റൺസ് സംഭാവന ചെയ്തു, മാർട്ടിൻ ഗുപ്റ്റിൽ 21ഉം എടുത്തു.
ഈ വിജയം ക്വെറ്റ ഗ്ലാഡിയേറ്റേഴ്സിനെ എട്ട് മത്സരങ്ങളിൽ നിന്ന് നാല് വിജയങ്ങളുമായി പോയിന്റ് പട്ടികയിൽ മൂന്നാം സ്ഥാനത്തെത്തി. അതേസമയം പെഷവാർ സാൽമി എട്ട് മത്സരങ്ങളിൽ മൂന്ന് ജയവുമായി അഞ്ചാം സ്ഥാനത്താണ്. പാകിസ്ഥാൻ സൂപ്പർ ലീഗ് 2023 ന്റെ അടുത്ത മത്സരം 2023 മാർച്ച് 10 ന് ലാഹോറിലെ ഗദ്ദാഫി സ്റ്റേഡിയത്തിൽ ഇസ്ലാമാബാദ് യുണൈറ്റഡും ലാഹോർ ഖലൻഡേഴ്സും തമ്മിൽ നടക്കും.
