മെസ്സിക്കും എംബപ്പെക്കും യൂറോപ്പിൽ ഒരിക്കൽ കൂടെ നിരാശ. പാരീസ് സെന്റ് ജെർമെയ്ൻ എഫ്‌സിയെ 2-0ന് തോൽപ്പിച്ച് കൊണ്ട് ബയേൺ മ്യൂണിക്ക് യുവേഫ ചാമ്പ്യൻസ് ലീഗ് ക്വാർട്ടർ ഫൈനലിൽ സ്ഥാനം ഉറപ്പിച്ചു. പ്രീക്വാർട്ടർൿരമ്മ്ടാം പാദത്തിൽ പി എസ് ജിക്ക് ഒരു ജയം നിർബന്ധമായിരുന്നു. കാരണം അവർ പാരീസിൽ ആദ്യ പാദത്തിൽ 1-0ന്റെ പരാജയം നേരത്തെ ഏറ്റുവാങ്ങിയിരുന്നു.
രണ്ടാം പാദത്തിൽ 2-0ന് ജയിച്ചതോടെ ബയേൺ യുവേഫ ചാമ്പ്യൻസ് ലീഗിന്റെ ക്വാർട്ടർ ഫൈനലിൽ സ്ഥാനം ഉറപ്പിച്ചു. കളിയുടെ തുടക്കം മുതൽ അവസാനം വരെ ബയേൺ ഡിഫൻസ് ഭേദിക്കാൻ പി എസ് ജിക്ക് ആയില്ല. ആദ്യ പകിതിയിൽ ഗോൾ ഒന്നും ഇന്ന് വന്നില്ല. രണ്ടാം പകുതിയിൽ എറിക് മാക്സിം ചൗപോ-മോട്ടിംഗും സെർജി ഗ്നാബ്രിയും രണ്ട് ഗോളുകൾ നേടി. 61ആം മിനുട്ടിലും 89ആം മിനുട്ടിലും ആയിരുന്നു ഗോളുകൾ.
ഇതുവരെ ചാമ്പ്യൻസ് ലീഗിൽ കിരീടം നേടാൻ ആകാത്ത പി എസ് ജിക്ക് ഇനി വീണ്ടും ഭാഗ്യം പരീക്ഷിക്കാൻ അടുത്ത സീസൺ വരെ കാത്തിരിക്കേണ്ടി വരും
