ക്രിക്കറ്റിലെ ഇതിഹാസങ്ങള്‍ക്കെതിരെ കളിച്ചിട്ടുണ്ട്, എന്നാല്‍ സ്മിത്ത് തികച്ചും വ്യത്യസ്തന്‍

Sports Correspondent

Download the Fanport app now!
Appstore Badge
Google Play Badge 1

ക്രിക്കറ്റിലെ പല ഇതിഹാസ താരങ്ങള്‍ക്കെതിരെയും താന്‍ കളിച്ചിട്ടുണ്ടെങ്കിലും ഇവരില്‍ നിന്നെല്ലാം വിഭിന്നമായ ഒരു താരമാണ് സ്റ്റീവന്‍ സ്മിത്ത് എന്ന് പറഞ്ഞ് മുന്‍ പാക്കിസ്ഥാന്‍ പേസര്‍ വസീം അക്രം. പാക്കിസ്ഥാന്‍ ബൗളര്‍മാര്‍ സ്മിത്തിന്റെ ചെയ്തികള്‍ കണ്ട് തങ്ങളുടെ പദ്ധതികള്‍ മാറ്റരുതെന്നായിരുന്നു വസീമിന്റെ ഉപദേശം.

സ്മിത്ത് ചിലപ്പോള്‍ ഓഫ് സ്റ്റംപിന് പുറത്ത് നില്‍ക്കും ചിലപ്പോള്‍ മധ്യത്തില്‍ നില്‍ക്കും ചിലപ്പോള്‍ ലെഗ് സ്റ്റംപില്‍. എന്നാല്‍ ഇതൊന്നും ശ്രദ്ധിച്ച് ബൗളര്‍മാര്‍ തങ്ങളുടെ ശ്രദ്ധ നഷ്ടപ്പെടുത്തുകയല്ല ചെയ്യേണ്ടത്, തങ്ങളെന്താണോ ഉദ്ദേശിക്കുന്നത് അത് മാത്രമാണ് ചെയ്യേണ്ടതെന്നാണ് വസീം അക്രം ഉപദേശിച്ചത്.