എകോണിന്റെ പാട്ട് കേള്‍ക്കാന്‍ പോയി ഉമര്‍ അക്മലിനു പിഴ

- Advertisement -

മത്സരത്തിന്റെ തലേ ദിവസം രാത്രി ദുബായിയിലെ നിശാ ക്ലബ്ബില്‍ പോയതിനു പിഴയേറ്റു വാങ്ങി പാക്കിസ്ഥാന്‍ മധ്യ നിര താരം ഉമര്‍ അക്മല്‍. ഓസ്ട്രേലിയയ്ക്കെതിരെ അഞ്ചാം ഏകദിനത്തിനു മുമ്പുള്ള രാത്രി പ്രശസ്ത ഹിപ്-ഹോപ് ആര്‍ട്ടിസ്റ്റ് എകോണിന്റെ സംഗീത ഷോ കാണുവാനാണ് അക്മല്‍ പോയത്. തുടര്‍ന്ന് രാത്രി ഏറെ കഴിഞ്ഞാണ് താരം ടീമംഗങ്ങള്‍ക്കൊപ്പം ചേരുന്നത്.

20 ശതമാനം മാച്ച് ഫീസാണ് ബോര്‍ഡ് താരത്തിനു പിഴയായി ചുമത്തിയത്. അടുത്തിടെ മാത്രമാണ് പാക്കിസ്ഥാന്‍ ടീമിലേക്ക് താരം മടങ്ങിയെത്തിയത്. അക്മല്‍ തന്നെ ഷൂട്ട് ചെയ്ത വീഡിയോ സോഷ്യല്‍ മീഡിയയില്‍ വൈറല്‍ ആയിരുന്നു.

Advertisement