ന്യൂസിലാണ്ടിനെതിരെ രണ്ടാം ടെസ്റ്റില്‍ ഇഴഞ്ഞ് നീങ്ങി പാക്കിസ്ഥാന്റെ ബാറ്റിംഗ്. 90 ഓവറില്‍ നിന്ന് 207 റണ്‍സാണ് 4 വിക്കറ്റ് നഷ്ടത്തില്‍ ടീം നേടിയത്. 81 റണ്‍സ് നേടി അസ്ഹര്‍ അലിയും 81 റണ്‍സ് നേടി പുറത്താകാതെ നില്‍ക്കുന്ന ഹാരിസ് സൊഹൈലുമാണ് പാക്കിസ്ഥാന് നിരയില്‍ തിളങ്ങിയത്.
കോളിന്‍ ഡി ഗ്രാന്‍ഡോം നേടിയ 2 വിക്കറ്റുകള്‍ക്ക് ശേഷം അസ്ഹര്‍-ഹാരിസ് കൂട്ടുകെട്ട് 126 റണ്‍സ് മൂന്നാം വിക്കറ്റില്‍ നേടിയാണ് പാക്കിസ്ഥാനെ മുന്നോട്ട് നയിച്ചത്. അസ്ഹര്‍ അലി റണ്ണൗട്ട് രൂപത്തില്‍ പുറത്തായപ്പോള്‍ അജാസ് പട്ടേല്‍ അസാദ് ഷഫീക്കിനെ(12) മടക്കിയയച്ചു. ഹാരിസ് സൊഹൈലിനൊപ്പം 14 റണ്‍സുമായി ബാബര്‍ അസം ആണ് ക്രീസില്‍ നില്‍ക്കുന്നത്.
