പാക്കിസ്ഥാന്‍ ഓസ്ട്രേലിയ ഏകദിന പരമ്പര മാര്‍ച്ച് 22നു

പാക്കിസ്ഥാനും ഓസ്ട്രേലിയയും തമ്മിലുള്ള അഞ്ച് ഏകദിനങ്ങളുടെ പരമ്പര മാര്‍ച്ച് 22നു ആരംഭിക്കും. യുഎഇ വേദിയാകുന്ന മത്സരങ്ങളിലെ ആദ്യത്തേത് ഷാര്‍ജ്ജയിലാണ് നടക്കുന്നത്. രണ്ടാം മത്സരവും അവിടെ തന്നെയാണ്. മൂന്നാം മത്സരം അബു ദാബിയിലും നാല് അഞ്ച് മത്സരങ്ങള്‍ക്ക് ദുബായിയും വേദിയാവും. നിലവിലെ ലോക ചാമ്പ്യന്മാരാണ് ഓസ്ട്രേലിയയെങ്കിലും അടുത്തിടെ അത്ര മികച്ച പ്രകടനമല്ല ടീം പുറത്തെടുത്തിരിക്കുന്നത്.

റാങ്കിംഗില്‍ പാക്കിസ്ഥാനു തൊട്ടുപുറകെയാണ് ഓസ്ട്രേലിയ. രണ്ട് പോയിന്റ് അധികമുള്ള പാക്കിസ്ഥാന്‍ അഞ്ചാമതും ഓസ്ട്രേലിയ ആറാം സ്ഥാനത്തുമാണ് നില്‍ക്കുന്നത്. ലോകകപ്പിനു തൊട്ടു മുമ്പുള്ള ഇരു ടീമുകളുടെയും മുന്നൊരുക്കമായാണ് ഏകദിന പരമ്പരയെ വിലയിരുത്തപ്പെടുന്നത്.

മാര്‍ച്ച് 22, 24, 27, 29, 31 എന്നീ തീയതികളിലാണ് മത്സരങ്ങള്‍ നടക്കുന്നത്. അഞ്ച് മത്സരങ്ങളും ഡേ നൈറ്റ് രീതിയിലാണ് നടക്കുക.