പാക്കിസ്ഥാന്റെ മുഖ്യ കോച്ചും ചീഫ് സെലക്ടറുമായി മിസ്ബയെ നിയമിച്ചു, വഖാര്‍ യൂനിസ് ബൗളിംഗ് കോച്ച്

പാക്കിസ്ഥാന്റെ മുഖ്യ കോച്ചും ചീഫ് സെലക്ടറമായി മിസ്ബ ഉള്‍ ഹക്കിനെ നിയമിച്ചു. മൂന്ന് വര്‍ഷത്തേക്കാണ് കരാര്‍. മിക്കി ആര്‍തറിന് പകരം കോച്ചായി എത്തുന്ന മിസ്ബ ഇന്‍സമാം ഉള്‍ ഹക്കിന് പകരമാണ് ചീഫ് സെലക്ടര്‍ പദവയിലേക്ക് എത്തുന്നത്. മുന്‍ പാക്കിസ്ഥാന്‍ നായകനായിരുന്ന താരം വിരമിച്ച ശേഷം 2 തവണ പിഎസ്‍എല്‍ വിജയിച്ച ഇസ്ലാമാബാദ് യുണൈറ്റഡിന്റെ നായകനുമായിരുന്നു.

മിസ്ബയ്ക്ക് പുറമെ ഡീന്‍ ജോണ്‍സിനെയും കോച്ചിംഗ് സ്ഥാനത്തേക്ക് പാക്കസ്ഥാന്‍ പരിഗണിച്ചിരുന്നു. പാക്കിസ്ഥാന്‍ ക്രിക്കറ്റിനെ കൂടുതല്‍ മനസ്സിലാക്കുന്ന മിസ്ബയുടെ നിയമനം മികച്ചതാവുമെന്നാണ് പൊതുവേ വിലയിരുത്തപ്പെടുന്നത്. ടീമിന്റെ ബൗളിംഗ് കോച്ചായി മുന്‍ ഇതിഹാസ താരം വഖാര്‍ യൂനിസിനെയും നിയമിച്ചിട്ടുണ്ട്.