വിന്‍ഡീസിനു ആദ്യ ടി20യിലും തോല്‍വിയായിരുന്നു ഫലമെങ്കിലും പൊരുതി തന്നെയാണ് സന്ദര്‍ശകര്‍ ഇന്നലെ കൊല്‍ക്കത്തയിലെ മത്സരത്തില്‍ കീഴടങ്ങിയത്. 109 റണ്‍സ് മാത്രം നേടി ബാറ്റ്സ്മാന്മാര്‍ കൈവിട്ടുവെങ്കിലും ഇന്ത്യയെ വിറപ്പിച്ച് ശേഷം മത്സരത്തില്‍ വിന്‍ഡീസ് പിന്നോട്ട് പോയത്. ഇന്ത്യയെ 45/4 എന്ന നിലയില്‍ പ്രതിരോധത്തിലാക്കിയ വിന്‍ഡീസ് നിരയില്‍ ഏറെ ബൗളര്‍മാരും മികച്ച രീതിയില്‍ പന്തെറിഞ്ഞു. ക്രുണാല്‍ പാണ്ഡ്യ ക്രീസിലെത്തിയ ശേഷമാണ് ഇന്ത്യയുടെ വിജയം വേഗത്തിലായത്. ഒപ്പം ദിനേശ് കാര്‍ത്തിക്കിന്റെ മികച്ച ബാറ്റിംഗും.
അതേ സമയം ഒഷെയ്ന് തോമസിന്റെ ബൗളിംഗിനെ വാനോളം പുകഴ്ത്തുകയായിരുന്നു രോഹിത് ശര്‍മ്മ. ഒഷെയ്ന് മികച്ചൊരു പ്രതിഭയാണെന്നും താരം ഫോമില്‍ പന്തെറിയുകയാണെങ്കില്‍ ബാറ്റ്സ്മാന്മാര്‍ക്ക് ഒഷെയ്ന് തോമസിന്റെ ബൗളിംഗിനെ പ്രതിരോധിയ്ക്കാനും ആകില്ലെന്നാണ് രോഹിത് ശര്‍മ്മ പറഞ്ഞത്. താരത്തിന്റെ ഉയരത്തിന്റെ ആനുകൂല്യവും ബൗളിംഗില്‍ തുണയാകുന്നുണ്ടെന്നാണ് രോഹിത് അഭിപ്രായപ്പെട്ടത്. ഇന്ത്യയ്ക്കെതിരെ ഒഴികെ താരത്തിനു ഭാവിയില്‍ മികച്ച പ്രകടനം കാഴ്ചവയ്ക്കുവാന്‍ ഇടയാകട്ടെ എന്നാണ് രോഹിത് പറഞ്ഞത്.
