പാക്കിസ്ഥാന്‍ പര്യടനം പെട്ടെന്ന് തീരുമാനിക്കാവുന്ന ഒന്നല്ല

- Advertisement -

പാക്കിസ്ഥാനിലേക്കുള്ള ബംഗ്ലാദേശ് ടീമിന്റെ പര്യടനം പെട്ടെന്ന് തീരുമാനിക്കാവുന്ന കാര്യമല്ലെന്ന് പറഞ്ഞ് ബംഗ്ലാദേശ് ക്രിക്കറ്റ് ബോര്‍ഡ് സിഇഒ നിസാമുദ്ദീന്‍ ചൗധരി. ഐസിസിയോടും മറ്റ് അധികാരികളോടും ചര്‍ച്ച ചെയ്ത ശേഷം മാത്രമേ പാക്കിസ്ഥാനിലോട്ടുള്ള ടൂറിന്റെ മേലുള്ള തീരുമാനം എടുക്കാനാകൂ എന്നും ചൗധരി വ്യക്തമാക്കി. പാക്കിസ്ഥാനിലേക്ക് ബംഗ്ലാദേശിന്റെ അണ്ടര്‍ 16 പുരുഷ ടീമും വനിത ടീമും പര്യടനം അടുത്ത് നടത്തിയെങ്കിലും പുരുഷ ടീമിനെ വിടുവാന്‍ ബോര്‍ഡ് അത്ര സന്നദ്ധത കാണിക്കുന്നില്ല.

കോച്ചിംഗ് സ്റ്റാഫും ചില ക്രിക്കറ്റ് താരങ്ങളും പര്യടനത്തില്‍ നിന്ന് പിന്മാറിയതാണ് പരമ്പരയെ ഇപ്പോള്‍ പ്രതിസന്ധിയില്ലാക്കിയിരിക്കുന്നത്. ബംഗ്ലാദേശ് ടീമിലെ വിദേശ കോച്ചുമാരെല്ലാം തന്നെ തങ്ങള്‍ പാക്കിസ്ഥാനിലേക്ക് യാത്ര ചെയ്യുവാനില്ലെന്ന് അറിയിച്ചിരുന്നു. ഇതില്‍ മുഖ്യ കോച്ച് റസ്സല്‍ ഡൊമിംഗോ, ബൗളിംഗ് കോച്ച് ചാള്‍ ലാംഗ്വെള്‍ടഡ്, ബാറ്റിംഗ് കണ്‍സള്‍ട്ടന്റ് നീല്‍ മക്കിന്‍സി എന്നിവരും ഉള്‍പ്പെടുന്നു.

പാക്കിസ്ഥാന്‍ ബംഗ്ലാദേശിനെതിരെ രണ്ട് ടെസ്റ്റുകളിലും മൂന്ന് ടി20 മത്സരങ്ങളിലുമാണ് അടുത്ത വര്‍ഷം ഫെബ്രുവരിയില്‍ കളിക്കേണ്ടിയിരുന്നത്.

Advertisement