ഒരു കാലത്ത് ബംഗ്ലാദേശിന്റെ ഏറ്റവും മികച്ച പേസറായി വിലയിരുത്തപ്പെട്ട താരമായിരുന്നു മുസ്തഫിസുര്‍ റഹ്മാന്‍ എങ്കിലും ഇന്ന് ടെസ്റ്റ് കരാര്‍ ഇല്ലാതെയാണ് താരം നില്‍ക്കുന്നത്. എന്നാല്‍ അത് തനിക്ക് ഗുണം ചെയ്യുമെന്നാണ് കരുതുന്നതെന്ന് മുസ്തഫിസുര്‍ അഭിപ്രായപ്പെ്ടടു. ഇപ്പോള്‍ താരത്തെ ബി വിഭാഗം കരാറിലേക്ക് തരം താഴ്ത്തുകയായിരുന്നു. താരം മാര്‍ച്ച് 2019ല്‍ ന്യൂസിലാണ്ടിലാണ് അവസാനമായി ഒരു ടെസ്റ്റ് കളിച്ചത്.
താന്‍ ഏറെ മെച്ചപ്പെടുവാനുണ്ടെന്ന് തനിക്ക് മനസ്സിലാക്കുവാന്‍ ഈ സംഭവം സഹായിച്ചുവെന്നാണ് മുസ്തഫിസര്‍ പറയുന്നത്. തന്റെ ഇപ്പോളത്തെ നിലവാരം വെച്ച് തനിക്ക് വീണ്ടും ദേശീയ ടീമിലേക്ക് സ്ഥാനമില്ലെന്നത് മനസ്സിലാക്കുവാനായതില്‍ തനിക്ക് ഇനി മെച്ചപ്പെടുവാന്‍ സഹായിക്കുമെന്നും റഹ്മാന്‍ വിശദമാക്കി.
മൂന്ന് ഫോര്‍മാറ്റുകളിലും കളിക്കുവാനായി താന്‍ മെച്ചപ്പെടുക എന്നതാണ് ഇനി ചെയ്യാനുള്ളതെന്നും അതിനായി താന്‍ തീവ്രമായി ശ്രമിക്കുമെന്നും മുസ്തഫിസുര്‍ വ്യക്തമാക്കി.
