കൂറ്റന്‍ സ്കോര്‍ പിന്തുടര്‍ന്നിറങ്ങിയ വിന്‍ഡീസിന് രണ്ട് വിക്കറ്റ് നഷ്ടം

Mustafizur

മെഹ്ദി ഹസന്റെ ശതകത്തിന്റെ ബലത്തില്‍ ബംഗ്ലാദേശ് നേടിയ 430 റണ്‍സെന്ന വലിയ സ്കോര്‍ പിന്തുടര്‍ന്നിറങ്ങിയ വെസ്റ്റ് ഇന്‍ഡീസ് രണ്ടാം ദിവസം അവസാനിക്കുമ്പോള്‍ 75/2 എന്ന നിലയില്‍. ജോണ്‍ കാംപെല്ലിന്റെയും ഷെയിന്‍ മോസെല്ലിയുടെയും വിക്കറ്റുകള്‍ ചുരുങ്ങിയ സ്കോറിന് നഷ്ടമായ സന്ദര്‍ശകര്‍ ഒരു ഘട്ടത്തില്‍ 24/2 എന്ന നിലയിലായിരുന്നു. മുസ്തഫിസുര്‍ റഹ്മാന്‍ ആണ് ഇരു വിക്കറ്റുകളും വീഴ്ത്തിയത്.

പിന്നീട് ഓപ്പണര്‍ ക്രെയിഗ് ബ്രാത്‍വൈറ്റും ക്രുമാ ബോണ്ണറും ചേര്‍ന്നാണ് വിന്‍ഡീസിനെ കൂടുതല്‍ നഷ്ടമില്ലാതെ രണ്ടാം ദിവസം അവസാനിപ്പിക്കുവാന്‍ സഹായിച്ചത്. ക്രെയിഗ് 49 റണ്‍സും ക്രുമാ ബോണ്ണര്‍ 17 റണ്‍സുമാണ് നേടിയിട്ടുള്ളത്. 51 റണ്‍സ് ഇവര്‍ മൂന്നാം വിക്കറ്റില്‍ കൂട്ടിചേര്‍ത്തിട്ടുണ്ട്.

Previous articleപാക്കിസ്ഥാന്റെ തിരിച്ചുവരവിന് തടസ്സം സൃഷ്ടിച്ച് മഴ
Next article“സമ്മർദ്ദത്തിലായ വിരാട് കോഹ്‌ലി വളരെയധികം അപകടകാരി”