ടെസ്റ്റിലെ വിക്കറ്റ് കീപ്പിംഗ് ദൗത്യം അവസാനിപ്പിക്കാനൊരുങ്ങി മുഷ്ഫിക്കുര്‍ റഹിം

Sports Correspondent

Download the Fanport app now!
Appstore Badge
Google Play Badge 1

ബംഗ്ലാദേശിന്റെ ഒന്നാം നമ്പര്‍ കീപ്പറായ മുഷ്ഫിക്കുര്‍ റഹിം ടെസ്റ്റില്‍ നിന്ന് കീപ്പിംഗ് ദൗത്യം അവസാനിപ്പിക്കുവാന്‍ ഒരുങ്ങുന്നു. തന്റെ കരിയറിന്റെ ദൈര്‍ഘ്യം വര്‍ദ്ധിപ്പിക്കുവാനും വര്‍ക്ക് ലോഡ് മാനേജ്മെന്റിന്റെ ഭാഗമായിട്ടുമാണ് ഈ തീരുമാനം. 32 വയസ്സുകാരന്‍ താരം ഈ തീരുമാനം എടുക്കുവാന്‍ ആദ്യം താല്പര്യപ്പെട്ടിരുന്നുവെങ്കിലും പിന്നീട് അതാണ് മികച്ചതെന്ന് കോച്ചിനെ അറിയിക്കുകയായിരുന്നു. ടീം മാനേജ്മെന്റിലെ മറ്റംഗങ്ങളോട് കോച്ച് റസ്സല്‍ ഡൊമിംഗോ ചര്‍ച്ച ചെയ്ത ശേഷം മുഷ്ഫിക്കുറിന്റെ തീരുമാനത്തെ അംഗീകരിച്ചു.

മൂന്ന് ഫോര്‍മാറ്റിലും കളിക്കുന്നതിനാലും ഇപ്പോള്‍ വളരെ അധികം മത്സരങ്ങളില്‍ കളിക്കുന്നതിനാലും താന്‍ ഈ തീരുമാനത്തില്‍ എത്തുകയായിരുന്നുവെന്ന് മുഷ്ഫിക്കുര്‍ പറഞ്ഞു. തന്റെ കീപ്പിംഗും ബാറ്റിംഗും ഒരേ നിലവാരത്തിലല്ല കുറച്ച് കാലമായിട്ടെന്നും കൂടി പരിഗണിക്കുമ്പോള്‍ ഈ തീരുമാനം തനിക്കും ടീമിനും ഗുണകരമാകുമെന്നാണ് പ്രതീക്ഷിക്കുന്നതെന്ന് മുഷ്ഫിക്കുര്‍ വ്യക്തമാക്കി.