മോമിനുള്‍ ഹക്കിനും മുഷ്ഫിക്കുര്‍ റഹിമിനും ശതകം , ബംഗ്ലാദേശ് കുതിയ്ക്കുന്നു

ധാക്ക ടെസ്റ്റില്‍ സിംബാബ്‍വേയുടെ 265 റണ്‍സെന്ന ഒന്നാം ഇന്നിംഗ്സ് സ്കോറിന് മറുപടിയായി ബംഗ്ലാദേശിന്റെ മികച്ച ബാറ്റിംഗ് പ്രകടനം. മൂന്നാം ദിവസം ഉച്ച ഭക്ഷണത്തിനായി ടീമുകള്‍ പിരിയുമ്പോള്‍ ബംഗ്ലാദേശ് 351/3 എന്ന നിലയിലാണ്. മോമിനുള്‍ ഹക്ക് 119 റണ്‍സും മുഷ്ഫിക്കുര്‍ റഹിം 99 റണ്‍സിലുമാണ് ലഞ്ച് സമയത്തെ സ്കോര്‍.

ഉച്ച ഭക്ഷണത്തിന് ശേഷം കളി പുനരാരംഭിച്ച ആദ്യ ഓവറില്‍ തന്നെ മുഷ്ഫിക്കുര്‍ റഹിം തന്റെ ശതകം പൂര്‍ത്തിയാക്കി. നജ്മുള്‍ ഹൊസൈന്‍ ഷാന്റോ(71), തമീം ഇക്ബാല്‍(41) എന്നിവരാണ് മറ്റു പ്രധാന സ്കോറര്‍മാര്‍. ബംഗ്ലാദേശ് 102 ഓവര്‍ പിന്നിടുമ്പോള്‍ 108 റണ്‍സ് ലീഡോടെ 373/3 എന്ന നിലയിലാണ്.

ശതകം ബൗണ്ടറിയിലൂടെ നേടിയ മുഷ്ഫിക്കുര്‍ പിന്നീട് ബൗണ്ടറികളുടെയാണ് സ്കോറിംഗ് നടത്തിയത്. മോമിനുള്‍ 122 റണ്‍സും മുഷ്ഫിക്കുര്‍ 117 റണ്‍സും നേടിയാണ് ക്രീസിലുള്ളത്.