ഇന്ത്യ മുന്‍ ടെസ്റ്റ് താരം മുരളി വിജയ് അന്താരാഷ്ട്ര ക്രിക്കറ്റിൽ നിന്ന് വിരമിച്ചു. 61 ടെസ്റ്റിലും 17 ഏകദിനങ്ങളിലും 9 ടി20 മത്സരങ്ങളിലും വിജയ് കളിച്ചിട്ടുണ്ട്. 2008ൽ ഓസ്ട്രേലിയയ്ക്കെതിരെ ആയിരുന്നു താരത്തിന്റെ അരങ്ങേറ്റം.
ഇന്ത്യയ്ക്കായി അവസാനം കളിച്ചത് 2018ൽ പെര്‍ത്തിൽ ഓസ്ട്രേലിയയ്ക്കെതിരെ ആയിരുന്നു. ഐപിഎലില്‍ ചെന്നൈ സൂപ്പര്‍ കിംഗ്സിന് വേണ്ടി രണ്ട് ശതകം നേടിയിട്ടുള്ള താരം 2011 ഫൈനലില്‍ 95 റംസ് നേടിയിരുന്നു.
ഇടയ്ക്ക് കിംഗ്സ് ഇലവന്‍ പഞ്ചാബിന്റെ നായകനായി പ്രവര്‍ത്തിച്ച താരം പിന്നീട് 2018ൽ ചെന്നൈ നിരയിലേക്ക് മടങ്ങിയെത്തിയെങ്കിലും അത്ര ശ്രദ്ധേയമായ പ്രകടനം താരത്തിന് പുറത്തെടുക്കാനായില്ല. 2020 സെപ്റ്റംബറിലാണ് താരം അവസാനമായി ഐപിഎലിലും കളിച്ചത്.
