വിദർഭ 292ന് ഓളൗട്ട്, മുംബൈക്ക് ജയിക്കാൻ 406 റൺസ്
രഞ്ജി ട്രോഫി ഫൈനലിൽ എത്താൻ മുംബൈ രണ്ടാം ഇന്നിങ്സിൽ 406 റൺസ് എടുക്കണം. വിദർഭ രണ്ടാം ഇന്നിങ്സിൽ 292ന് ഓളൗട്ട് ആയി. ആദ്യ ഇന്നിങ്സിൽ ലീഡ് ഉള്ളത് കൊണ്ട് കളി സമനില ആയാൽ വിദർഭ ഫൈനലിൽ എത്തും.
യാഷ് റാത്തോഡിന്റെ 151 റൺസ് ആണ് വിദർഭയ്ക്ക് മികച്ച സ്കോർ നൽകിയത്. 252 പന്തിൽ നിന്നായിരുന്നു യാഷ് 151 റൺസ് നേടിയത്. അക്ഷയ് വദ്കർ 52 റൺസും നേടി. മുംബൈക്ക് ആയി ഷാംസ് മുളാനി 6 വിക്കറ്റ് വീഴ്ത്തി.