ബംഗ്ലാദേിനെതിരെ 25 റണ്‍സ് വിജയം കരസ്ഥമാക്കി അഫ്ഗാനിസ്ഥാന്‍. മുജീബ് ഉര്‍ റഹ്മാന്റെ ബൗളിംഗ് മികവിലാണ് മികച്ച ജയം അഫ്ഗാനിസ്ഥാന്‍ നേടിയത്. 165 റണ്‍സ് വിജയ ലക്ഷ്യം തേടിയിറങ്ങിയ ബംഗ്ലാദേശിന് 139 റണ്‍സ് മാത്രമേ നേടാനായുള്ളു. ഇന്നിംഗ്സിന്റെ രണ്ടാം പന്തില്‍ മുജീബിന്റെ ബൗളിംഗില്‍ ലിറ്റണ്‍ ദാസിനെ നഷ്ടമായ ബംഗ്ലാദേശിന് കൃത്യമായ ഇടവേളകളില്‍ വിക്കറ്റുകള്‍ നഷ്ടമാകുകയായിരുന്നു.
44 റണ്‍സ് നേടിയ മഹമ്മദുള്ള മാത്രമാണ് അഫ്ഗാന്‍ നിരയില്‍ മികച്ച് നിന്നത്. സബ്ബീര്‍ റഹ്മാന് 24 റണ്‍സ് നേടി മുജീബിന് വിക്കറ്റ് നല്‍കി മടങ്ങി. മുജീബ് തന്റെ നാലോവറില്‍ 15 റണ്‍സിന് 4 വിക്കറ്റാണ് നേടിയത്. മുജീബിന് പുറമെ റഷീദ് ഖാന്‍, ഗുല്‍ബാദിന്‍ നൈബ്, ഫരീദ് മാലിക് എന്നിവര്‍ അഫ്ഗാനിസഅഥാന് വേണ്ടി 2 വീതം വിക്കറ്റ് നേടി.
