ധോണിയുടെ സാന്നിദ്ധ്യം ടീമിന്റെ ആത്മവീര്യം ഉയര്‍ത്തും – വിരാട് കോഹ്‍ലി

Sports Correspondent

Download the Fanport app now!
Appstore Badge
Google Play Badge 1

ഇന്ത്യയുടെ ലോകകപ്പ് ടീമിനൊപ്പം മെന്ററായി എത്തുന്ന എംഎസ് ധോണിയുടെ സാന്നിദ്ധ്യം ടീമിന്റെ ആത്മവീര്യം ഉയര്‍ത്തുമെന്ന് അറിയിച്ച് വിരാട് കോഹ്‍ലി. ധോണിയിൽ നിന്നുള്ള ഉപദേശങ്ങള്‍ ടീമിലെ യുവതാരങ്ങളുടെ കളി മെച്ചപ്പെടുത്തുവാന്‍ ഏറെ ഉപകരിക്കുമെന്നാണ് വിരാട് കോഹ്‍ലി അഭിപ്രായപ്പെട്ടത്.

ഈ അവസരം ലഭിച്ചതിൽ ധോണിയും ഏറെ സന്തോഷവാനാണെന്നും തന്റെ കരിയറിൽ മുഴുവന്‍ ധോണി സഹതാരങ്ങളുടെ മെന്ററായിരുന്നുവെന്നും ഇനിയും അദ്ദേഹത്തിന് ആ ദൗത്യം തുടരുവാനുള്ള അവസരമാണ് ഇപ്പോള്‍ വന്നെത്തിയിരിക്കുന്നതെന്നും വിരാട് കോഹ്‍ലി വ്യക്തമാക്കി.