150 ടെസ്റ്റ് വിക്കറ്റുകള്‍ നേടി മുഹമ്മദ് ഷമി

- Advertisement -

ടെസ്റ്റില്‍ 150 വിക്കറ്റുകള്‍ നേടി മുഹമ്മദ് ഷമി. ഇന്ന് സബീന പാര്‍ക്ക് ടെസ്റ്റിന്റെ മൂന്നാം ദിവസം വീണ ആദ്യ വിക്കറ്റ് നേടി ഇന്ത്യയ്ക്ക് മികച്ച തുടക്കം ഷമി നല്‍കുകയായിരുന്നു. 14 റണ്‍സ് നേടിയ റഖീം കോണ്‍വാലിനെ പുറത്താക്കിയാണ് ഷമി തന്റെ 150ാം ടെസ്റ്റ് വിക്കറ്റ് നേടിയത്. അധികം വൈകാതെ വിന്‍ഡീസ് 117 റണ്‍സിന് ഓള്‍ഔട്ട് ആവുകയായിരുന്നു. 42 ടെസ്റ്റ് മത്സരത്തില്‍ നിന്നാണ് ഈ നേട്ടം ഷമി നേടിയത്.

ഈ നേട്ടം നേടുന്ന 15ാമത്തെ ഇന്ത്യന്‍ താരം ആണ് ഷമി. വേഗത്തില്‍ ഈ നേട്ടത്തിലേക്ക് എത്തുന്നവരില്‍ മൂന്നാം സ്ഥാനം ഷമിയ്ക്കാണ്. കപില്‍ ദേവ്(39 മത്സരം), ജവഗല്‍ ശ്രീനാഥ്(40) എന്നിവരാണ് ഈ നേട്ടത്തില്‍ ഷമിയെക്കാള്‍ മുന്നിലുള്ള താരം.

Advertisement