പാക്കിസ്ഥാന്‍ ബോര്‍ഡ് നടത്തിയ പരിശോധനയില്‍ വീണ്ടും കോവിഡ് പോസിറ്റീവായി മുഹമ്മദ് ഹഫീസ്. താരം ആദ്യം കോവിഡ് പോസിറ്റീവ് എന്ന് ബോര്‍ഡ് പ്രഖ്യാപിച്ച ശേഷം സ്വന്തമായി താരം ടെസ്റ്റ് നടത്തുകയും താന്‍ കോവിഡ് നെഗറ്റീവ് ആണെന്ന് താരം ട്വിറ്ററില്‍ പ്രഖ്യാപിക്കുകയായിരുന്നു. ഇതിന് ശേഷമാണ് ബോര്‍ഡ് താരത്തിന്റെ പരിശോധന വീണ്ടും നടത്തിയത്. അത് കോവിഡ് പോസിറ്റീവ് ആണെന്ന് തെളിയുകയും ചെയ്തു.
താരത്തിനെതിരെ നടപടിയുണ്ടാകുമെന്നാണ് ഇപ്പോള്‍ ലഭിയ്ക്കുന്ന വിവരം. താരത്തിന്റെ വ്യക്തിഗമായ പരിശോധനയ്ക്ക് വിധേയനാകുവാന്‍ എല്ലാവിധ അവകാശങ്ങളുമുണ്ടെങ്കിലും അദ്ദേഹം ഇത് സമൂഹ മാധ്യമങ്ങളില്‍ പ്രഖ്യാപിക്കുന്നതിന് മുമ്പ് ബോര്‍ഡുമായി ചര്‍ച്ച ചെയ്യേണ്ടിയിരുന്നുവെന്നും പിസിബി സിഇഒ വസീം ഖാന്‍ വ്യക്തമാക്കി.
താരം ഈ വിഷയം കൈകാര്യം ചെയ്തതില്‍ ബോര്‍ഡിന് വലിയ തരത്തിലുള്ള അതൃപ്തിയാണുള്ളതെന്നാണ് പുറത്ത് വരുന്ന വിവരം.
