കോവിഡ് പ്രൊട്ടോകോള്‍ ലംഘിച്ച് ബയോ ബബിളിന് പുറത്ത് പോയ മുഹമ്മദ് ഹഫീസിന്റെ കോവിഡ് ടെസ്റ്റ് നെഗറ്റീവ്. താരത്തിന്റെ ഈ സുരക്ഷ വീഴ്ചയ്ക്ക് ശേഷം താരത്തെ അഞ്ച് ദിവസത്തേക്ക് ബോര്‍ഡ് ഐസൊലേറ്റ് ചെയ്തിരുന്നു. ടെസ്റ്റ് നെഗറ്റീവ് ആയതിനെത്തുടര്‍ന്ന് ബാക്കി സുരക്ഷ മാനദണ്ഡങ്ങള്‍ക്ക് ശേഷം താരത്തിന് സ്വാഡിനൊപ്പം ചേരാം.
രണ്ടാം ടെസ്റ്റ് ആരംഭിക്കുന്നതിന് മുമ്പാണ് ഈ സംഭവം നടക്കുന്നത്. ബയോ ബബിളിന് അടുത്തുള്ള ഗോള്‍ഫ് കോഴ്സിലേക്ക് ചെന്ന താരം അവിടെ പ്രായമായ ഒരു ആരാധികയുമായി ഫോട്ടോയ്ക്ക് പോസ് ചെയ്യുകയായിരുന്നു. നേരത്തെ ഇംഗ്ലണ്ട് താരം ജോഫ്ര ആര്‍ച്ചര്‍ ഇത്തരത്തില്‍ വീഴ്ച വന്നപ്പോള്‍ താരത്തിനെ അടുത്ത മത്സരത്തില്‍ നിന്ന് ടീം മാനേജ്മെന്റ് പുറത്ത് ഇരുത്തുകയായിരുന്നു.
