ഇന്ത്യയ്ക്ക് എതിരെ വിക്കറ്റ് എങ്ങനെ നേടുമെന്നോര്‍ത്ത് അക്തര്‍ വിഷമത്തിലായിരുന്നു, താനത് കറാച്ചി ടെസ്റ്റില്‍ കാണിച്ചു കൊടുത്തു

- Advertisement -

കറാച്ചി ടെസ്റ്റിലെ പ്രകടനം തന്റെ ഏറ്റവും മികച്ച സ്പെല്‍ എന്ന് പറഞ്ഞ് പാക് താരം മുഹമ്മദ് ആസിഫ്. തന്റെ അരങ്ങേറ്റത്തിനെത്തുടര്‍ന്ന് മിന്നും പ്രകടനങ്ങള്‍ പുറത്തെടുത്ത താരം എന്നാല്‍ 2010ല്‍ സ്പോട്ട് ഫിക്സിംഗിന് കുറ്റക്കാരെന്ന് കണ്ടെത്തിയതോടെ പിന്നെ അന്താരാഷ്ട്ര ക്രിക്കറ്റില്‍ നിന്ന് പുറത്ത് പോകുകയായിരുന്നു.

ഇന്ത്യയ്ക്കെതിരെ 2006ലെ കറാച്ചി ടെസ്റ്റിലെ സ്പെല്ലാണ് തന്റെ ഏറ്റവും പ്രിയപ്പെട്ടതെന്ന് മുഹമ്മദ് ആസിഫ് വ്യക്തമാക്കി. അന്ന് രണ്ട് ഇന്നിംഗ്സുകളിലായി ഏഴ് വിക്കറ്റാണ് താരം നേടിയത്. അതില്‍ തന്നെ രാഹുല്‍ ദ്രാവിഡ്, വിരേന്ദര്‍ സേവാഗ്, സച്ചിന്‍ ടെണ്ടുല്‍ക്കര്‍ എന്നിവര്‍ക്ക് പുറമെ വിവിഎസ് ലക്ഷ്മണെ രണ്ടിന്നിംഗ്സിലും താരം പുറത്താക്കി.

23 ടെസ്റ്റില്‍ നിന്ന് ആസിഫ് 106 വിക്കറ്റാണ് നേടിയത്. തന്റെ എല്ലാ സ്പെല്ലുകളും മികച്ചതായിരുന്നുവെന്ന് പറഞ്ഞ താരം എന്നാല്‍ അന്നത്തെ വലിയ പേരുകേട്ട ഇന്ത്യന്‍ ബാറ്റിംഗ് ലൈനപ്പിനെതിരെയുള്ള കറാച്ചി ടെസ്റ്റ് ആണ് വേറിട്ട് നില്‍ക്കുന്നതെന്ന് ആസിഫ് പറഞ്ഞു.

അന്ന് ഡ്രസ്സിംഗ് റൂമില്‍ ഷൊയ്ബ് അക്തര്‍ വളരെ സമ്മര്‍ദ്ദത്തിലായിരുന്നുവെന്നും ഇത്രയും പ്രഗത്ഭമായ ഇന്ത്യന്‍ ബാറ്റിംഗ് നിരയ്ക്കെതിരെ എങ്ങനെ വിക്കറ്റ് നേടുമെന്നായിരുന്നു താരത്തിന്റെ ചിന്ത. പക്ഷേ താന്‍ അത് സാധ്യമാക്കി കാണിച്ചുകൊടുത്തുവെന്ന് ആസിഫ് പറഞ്ഞു.

Advertisement