താന്‍ ഇതുവരെ കളിച്ചിട്ടില്ലാത്ത താരമാണ് മുഹമ്മദ് അബ്ബാസ് എന്നും താരത്തെ നേരിടുന്നത് വളരെ വലിയ വെല്ലുവിളിയാണെന്ന് പറഞ്ഞ് സ്റ്റീവന്‍ സ്മിത്ത്. പാക്കിസ്ഥാന്‍ പേസ് നിര പുതുമുഖങ്ങളടങ്ങിയതാണെങ്കിലും പേസില്‍ മുമ്പില്‍ തന്നെയാണെന്ന് വേണം വിലയിരുത്തുവേണ്ടത്. സീം മൂവ്മെന്റിലും നിയന്ത്രണത്തിലും മികച്ച പാടവമുള്ള അബ്ബാസിനൊപ്പം ഷഹീന്‍ അഫ്രീദി, മുഹമ്മദ് മൂസ, നസീം ഷാ എന്നിവരടങ്ങിയ പേസ് സംഘമാണ് ഓസ്ട്രലിയയെ നേരിടുക.
മികച്ച സീം ആണ് അബ്ബാസിന്റെ ശക്തിയെന്നും നേരിയ സഹായം പോലും വലിയ തോത്തില്‍ തനിക്ക് അനുകൂലമാക്കുന്ന താരമാണ് മുഹമ്മദ് അബ്ബാസ് എന്ന് സ്മിത്ത് പറഞ്ഞു. അതു പോലെ തന്നെ യുവതാരം ഷാ മികച്ച വേഗത്തിലാണ് പന്തെറിയുന്നതെന്നാണ് മനസ്സിലാക്കിയിട്ടുള്ളത്. താരത്തിന് അധികം പരിചയമില്ലാത്തതിനാല്‍ പല സ്പെല്ലുകളില്‍ കണിശതയോടെ പന്തെറിയാനാകുമോ എന്നതാണ് നോക്കേണ്ടതെന്നും സ്മിത്ത് വ്യക്തമാക്കി.
