പാക്കിസ്ഥാന്‍ മുഖ്യ കോച്ചായിരുന്ന മിക്കി ആര്‍തര്‍ക്ക് പകരക്കാരനായി എത്തുന്നവരുടെ പട്ടികയില്‍ ഏറ്റവും പ്രധാനി മുന്‍ പാക് നായകനും സൂപ്പര്‍ താരവുമായ മിസ്ബ ഉള്‍ ഹക്ക് എന്ന് ശക്തമായ അഭ്യൂഹങ്ങള്‍. പാക് മീഡിയയില്‍ വരുന്ന വാര്‍ത്തകള്‍ പ്രകാരമാണ് ഈ വിവരം ലഭിയ്ക്കുന്നത്. ലോകകപ്പിന് ശേഷം രണ്ട് വര്‍ഷത്തേക്ക് കൂടി തന്റെ കാലാവധി നീട്ടുവാന്‍ മിക്കി ആര്‍തര്‍ ആവശ്യപ്പെട്ടുവെങ്കിലും അത് ചെയ്യേണ്ടതില്ലെന്ന തീരുമാനത്തിലാണ് പാക് ബോര്‍ഡ് എത്തിയത്.
മിക്കി ആര്‍തര്‍ക്കും മറ്റ് മൂന്ന് സഹ പരിശീലകര്‍ക്കും കരാര്‍ പുതുക്കി നല്‍കേണ്ടതില്ലെന്ന് പാക്കിസ്ഥാന്‍ ബോര്‍ഡ് തീരുമാനിക്കുകയായിരുന്നു. ക്യാപ്റ്റനെന്ന നിലയില്‍ പാക്കിസ്ഥാനല്‍ ഏവര്‍ക്കും സ്വീകാര്യനായ താരമായിരുന്നു മിസ്ബ ഉള്‍ ഹക്ക്.
